Glúmur Baldvinsson
„Þetta verða löng málaferli“
Glúmur Baldvinsson
Menning

Ris og fall Krumma

Fólk

Flug­freyja afhjúpar 15 hluti sem þú ættir aldrei að taka með í flug

Innlent

Hljóð­upp­tökur komu verk­stæði í Garðabæ í koll

Innlent

„Mig bara langar ekki í saur­gerla­bað“

Fólk

Selja fal­legt fjöl­skyldu­hreiður með heitum potti og stórum garði

Heimur

Hundruð reyndu að færa fræga lista­verkið til að bjarga manni

Heimur

Sam­göngu­yf­ir­völd rann­saka hesta­ferð í stræt­is­vagni

Fólk

Átta algeng mis­tök sem gælu­dýra­eig­endur gera

Heimur

Kenn­ingar uppi um að geim­skip hafi stöðvað flug­um­ferð í Banda­ríkj­unum

Innlent

Ísland sett í frystikist­una næstu daga

Sigríður Dögg rýfur þögnina: „Er ekki sek um það sem ég er sökuð um“

Sigríður Dögg Auðunsdóttir
Sigríður Dögg Auð­uns­dóttir

Sigríður Dögg Auð­uns­dóttir svarar loks­ins fyrir svara­leysi sitt gagn­vart skatta­málum sínum. Segir hún einnig að Hjálmar Jónsson, frá­far­andi fram­kvæmda­stjóri Blaða­manna­fé­lags Íslands, hafi marg­ít­rekað neitað að vinna þau verk­efni sem stjórnin fól honum að vinna.

Mannlíf heyrði í Sigríði Dögg Auð­uns­dóttur, for­manni BÍ og ræddi við hana um nýjust vend­ing­arnar hjá félag­inu en fram­kvæmda­stjór­anum, Hjálmari Jónssyni var sagt upp í gær. Þá ræddi hún einnig ástæð­una fyrir því að hún svar­aði aldrei spurn­ingum Mannlífs um skatta­mál hennar.

Uppsögnin

„Ég vísa bara í yfir­lýs­ingu stjórnar frá því í gær þar sem kemur fram að það hafi verið ein­róma sam­þykki stjórnar að fara þessa leið,“ sagði Sigríður Dögg aðspurð um upp­sögn­ina sem skekur blaða­manna­stétt­ina. Og hélt áfram: „Við hefðum vilja fara aðra leið en við vorum búin að vera í við­ræðum við Hjálmar um að bjóða honum annað starf, á óbreyttum kjörum hjá félag­inu. Stjórnin er búin að ræða það síðan í apríl, frá því að Hjálmar var 67 ára, að það fari að stytt­ast í að hann kom­ist á eft­ir­laun, að það eru ýmis verk­efni sem stjórnin er búin að ákveða að ráð­ast í, sem við töldum að við þyrftum meiri aðstoð með hér inn­an­húss, við að vinna og vildum því bæta við starfs­fólki. Og við hófum und­ir­bún­ing fyrir því í apríl og vorum búin að vera í sam­tali við hann um það síðan þá en í þess­ari veg­ferð komu upp staða sem stjórn mat sem svo að eina leiðin til að leysa úr, væri þessi. Að bjóða honum [Hjálmari] starfs­loka­samn­ing sem hann þáði ekki. Þá var ákveðið að segja honum upp.“

Þannig að það teng­ist ekk­ert deilum ykkar á milli?

„Það hafa engar deilur verið okkar á milli. En eins og kemur fram í yfir­lýs­ingu stjórnar, þá varð trún­að­ar­brestur á milli stjórnar og hans. Og eins og kom fram í frétt ykkar áðan, þá felst sá trún­að­ar­brestur meðal ann­ars í því að hann neit­aði að veita stjórn skoð­un­ar­að­gang að reikn­ingum félags­ins því auð­vitað er það stjórnin sem ber end­an­lega ábyrgð á fjár­málum félags­ins. Og stjórn­inni fannst það óhæft að fram­kvæmda­stjóri væri ekki að vinna þau verk­efni sem að stjórn fæli honum og lúta sam­þykktum stjórnar vegna þess að eina hlut­verk fram­kvæmda­stjóra er að vinna þau verk sem stjórnin felur honum. Og þegar hann gerir það ekki, marg­ít­rekað, neitar að verða við ákvörðun stjórnar og vinna þau verk­efni sem stjórnin hefur falið honum, þá getur stjórnin ekki lengur unnið með fram­kvæmd­ar­stjór­anum. Og það er trún­að­ar­brestur. Það er sá trún­að­ar­brestur sem við erum að tala um.“

Hvenær á að aug­lýsa eftir nýjum fram­kvæmd­ar­stjóra?

„Stjórnin hitt­ist aftur á morgun og þá verður tekin ákvörðun um það. Ég geri ráð fyrir að það verði á næstu dögum.“

Skattamálin

Mannlíf spurði Sigríði Dögg út í skatta­mál hennar en hún hefur ekki svarað spurn­ingum fjöl­mið­ils­ins varð­andi alvar­legar ásak­anir Páls Vil­hjálms­sonar fram­halds­skóla­kenn­ara og Mogga­blogg­ara, um meint skatta­laga­brot tengdum Sigríði Dögg og eig­in­manni hennar. Hvers vegna hefur þú ekki svarað spurn­ingum Mannlífs?

„Ástæðan fyrir því að ég hef ekki svarað er sú að allar þessar spurn­ingar eru runnar undan rifjum ein­hvers blogg­ara, sem hafa í raun litla stoð í ein­hverjum stað­reyndum. Þannig að spurn­ing­arnar ykkar voru bara út frá ein­hverjum róg­burði sem ein­hver maður úti í bæ var að bera á mig. Ef að þið væruð með ein­hverjar upp­lýs­ingar sem fjöl­mið­ill, sem þið vilduð fá svör mín við, aðrar en ein­hvern róg­burð frá manni úti í bæ, þá hefði ég örugg­lega svarað þessu.“

Aðspurð hvort það hefði ekki verið auð­veld­ast að svara þessu akkurat svona, strax, ját­aði Sigríður Dögg því.

„Jú, jú, ég hefði alveg örugg­lega geta gert það. En fyrir mig snérist þetta í raun­inni bara um þetta, að mér finnst að mér beri ekki skylda til að svara spurn­ingum sem að vakna út frá ein­hverjum róg­burði sem bor­inn er á mig. Ég vildi ekki gefa þessum róg­burði það mikið vægi að svara.“

En þú þurftir að semja við skatt­inn vegna van­gold­inna skatta, ekki satt?

„Eins og ég hef sagt opin­ber­lega, þá fékk ég end­ur­á­lagn­ingu gjalda eftir að það voru gerðar athuga­semdir um fram­tal mitt og ég ætla ekki að fara í það eitt­hvað efn­is­lega af því að ég var ekki til rann­sóknar hjá Skatt­inum, ég fékk enga sér­með­ferð og er ekki sek um það sem ég er sökuð um þarna. Og þess vegna finnst mér ég ekki bera nein skylda til þess að veita upp­lýs­ingar um mín per­sónu­legu fjár­mál.“

En hef­urðu gert stjórn Blaða­manna­fé­lags­ins grein fyrir mál­inu?

„Já, ég gerði það strax.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ökumenn í vímu og slags­mál í mið­bænum

Gangandi vegfarandi varð fyrir bíl en slapp með minniháttar meiðsli
Skoðun
Brynjar Birgisson

Það er ekki nægur mennta­hroki á Íslandi

Brynjar Birgisson
Heimur

Ók á hóp fólks og varð tveimur að bana en sleppur við ákæru

Heimur

Fimmtán ára drengur frá Palest­ínu laus úr fang­elsi í Ísrael

Innlent

Halldóra hæf­ari en Björn og Sigríður Elsa

Innlent

Innlent

Nemendur fá ekki lægra en fjóra í loka­ein­kunn

Lokamat við útskrift verður á kvarðanum 4 til 10, þótt skólar séu hvattir til að nota kvarðann 1 til 10 við námsmat yfir veturinn.
Innlent

Ökumaður kærður fyrir að skilja bíl sinn eftir í lausa­gangi

Innlent

Dómari fór í taug­arnar á borg­ara

Innlent

Ald­urs­mis­munun hjá lög­regl­unni undir stjórn Höllu Bergþóru

Innlent

Fór með EES pirr­ing­inn til umboðs­manns

Innlent

Egg og kyn­þátt­a­níð í alvar­legum ásök­unum