Heitavatnslaust er á Reykjanesskaga eftir að hraun flæddi yfir heitavatnsæðina í gær. Nístingskuldi er á svæðinu og þurftu íbúar að reiða sig á rafmagnsofna og hitablásara til að halda híbýlum sínum heitum.
Almannavarnir ríksins keyptu hitablásara og afhenty í gærkveldi. „Þessir blásarar sem voru keyptir, sem voru um hundrað, voru afhentir aðgerðastjórn á Suðurnesjum til að koma til þeirra sem ekki gátu bjargað sér sjálf um slíkan,“ segir Hjördís Guðmundsdóttir, samskiptastjóri Almannavarna í samtali við fréttamann RÚV.
Enn er heitavatnslaust á svæðinu en fagaðilar vinna nú hörðum höndum að því að tengja nýja lögn. Viðbúið er að kalt verði enn á svæðinu í dag.
„Um leið og við vitum svona tímalínuna á deginum, hvenær fyrir það fyrsta verður hægt að tengja þetta, þá höfum við einnig talað um það að þegar búið er að tengja mun taka tíma að koma hitanum á kerfið. Þannig að það verður kalt í dag áfram og svo vonum við að þetta gangi hratt og örugglega fyrir sig,“ bætir Hjördís við.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir