Félagið Ísland – Palestína boða mótmæli fyrir utan Alþingi í dag en þar verður þess krafist að börn sem föst eru á Gaza en eru með dvalarleyfi á Íslandi, sé komið til landsins.

Klukkan 15 í dag hyggst félagið Ísland – Palestína mótmæla á Austurvelli og krefjast þess að um 60 börnum, sem nú þegar hafa dvalarleyfi á Íslandi, sé bjargað frá Gaza. Í texta við ljósmynd af fjórum systkinum sem föst eru á Gaza, segir meðal annars: „Hvenær ætla íslensk yfirvöld að “taka afstöðu til þess” hvort þau vilji bjarga Mai, Miar, Abdalnasser og Mohammed?“ Þar segir ennfremur að börnin séu föst á Gaza, „þar sem enginn staður er öruggur fyrir sprengjuregni og árásum, hungursneyð og vatnsskorti.“ Þá kemur fram í textanum að málið sé í raun ekkert flókið en hér má lesa færsluna í heild sinni:
„Hvenær ætla íslensk yfirvöld að “taka afstöðu til þess” hvort þau vilji bjarga Mai, Miar, Abdalnasser og Mohammed? Þessi systkini eru nú þegar með dvalarleyfi á Íslandi á grundvelli fjölskyldusameiningar. Þau, og um 60 börn til viðbótar með dvalarleyfi á Íslandi, eru föst á Gaza, þar sem enginn staður er öruggur fyrir sprengjuregni og árásum, hungursneyð og vatnsskorti. Til að koma þeim til okkar þarf utanríkisráðherra að fyrirskipa að sendur sé listi á landamæri Gaza við Egyptaland, og senda diplómata til að taka við þeim og fylgja þeim til Kaíró. Það er allt og sumt. Þetta er ekki flókið. Börnin heim!“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir