Banaslys varð á tólfta tímanum í dag á Grindavíkurvegi.
Fram kemur í tilkynningu lögreglunnar á Suðurnesjum að hún rannsaki alvarlegt umferðarslys sem átti sér stað á tólfta tímanum í dag á Grindavíkurvegi. Tilkynning um slysið barst Neyðarlínunni um klukkan 11:35 og mættu viðbragðsaðilar á vettvang undir eins. Þegar þeir mættu voru tvö ökutæki utan vegar en ökumaður og farþegi annars ökutækisins voru úrskurðuð látin á vettvangi.
Lögreglan segir rannsókn málsins á frumstígi en miðar að því að upplýsa um tildrög slyssins. Þá var rannsóknarnefn samgönguslysa upplýst um málið og Tæknideild lögreglunnar á Höfuðborgarsvæðinu fengin til að aðstoða við vettvangsrannsóknir.
Um tíma var Grindavíkurvegi lokað á meðan vettvangsrannsókn fór fram en hann hefur nú verið opnaður aftur. Mikil hálka ku hafa verið á slysstað en veðuraðstæður góðar. Nú er unnið að því að tilkynna aðstandendum hinna látnu um slysið en lögreglan veitir ekki frekari upplýsingar að svo stöddu.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir