WHO ítrekar beiðni um að fólk hætti að nota grímur nema það sé sýkt

Alþjóða­heil­brigð­is­mála­stofn­unin WHO ítrek­aði í gær þau til­mæli sín til fólks að nota ekki grímur nema það sé sýkt af COVID-19 eða ann­ist ein­hvern sem er sýktur.

„Það er ekk­ert sem bendir til að grímunotkun almenn­ings komi að gagni,“ sagði Mike Ryan, fram­kvæmda­stjóri neyð­ar­á­ætl­unar WHO, á blaða­manna­fundi í Genf í gær. „Auk þess er mik­ill skortur á þeim á heims­vísu. Í augna­blik­inu er fólkið sem er í mestri hættu vegna veirunnar þeir sem vinna í fram­línu heil­brigð­is­kerf­is­ins og eru í snert­ingu við veiruna hverja ein­ustu sek­úndu dags­ins. Sú til­hugsun að það fólk fái ekki grímur er ógn­vekj­andi.“

Aðrir for­svars­menn WHO tóku í sama streng á blaða­manna­fund­inum, sam­kvæmt frétt á vef­síðu CNN, og sögðu að öllu máli skipti að þeir sem ynnu í heil­brigð­is­kerf­inu hefðu for­gang þegar hlífð­ar­bún­aður væri ann­ars vegar. Það væri því ekki hægt að mæla með almennri notkun gríma nema fyrir þá sem þegar væru sýktir, til að koma í veg fyrir að þeir dreifðu smiti.

Alma Möller, land­læknir, hefur á blaða­manna­fundum talað á svip­uðum nótum og for­svars­menn WHO, sagt að auð­vitað sé nauð­syn­legt fyrir heil­brigðis­starfs­ólk að bera grímur þegar það sinnir sjúk­lingum með COVID-19 og sömu­leiðis sé nauð­syn­legt að þeir sem sýktir séu beri slíkar grímur.

Þórólfur Guðnason, sótt­varna­læknir, hefur sagt að grímur geti virkað að ákveðnu leyti og hanskar sömu­leiðis en að notkun þessa hlífð­ar­bún­aðar geti þó gefið falskt öryggi.