Hefur áhyggjur af Þjóðhátíð meðan hann jafnar sig á COVID

Eyjamenn von­ast til að tím­inn verði með þeim í liði og að hægt verði að halda Þjóð­há­tíð í eyjum með óbreyttu sniði í ár þrátt fyrir kór­óna­veiru­far­ald­ur­inn sem gengur yfir landið. Ljóst þykir að stóru knatt­spyrnu­mót­unum, Orku­mót­inu og Pæj­u­mót­inu sem haldin eru árlega í júní­mán­uði, verður frestað og haf­inn er und­ir­bún­ing þess að fresta þeim fram á sum­arið.

r Vil­hjálms­son for­maður ÍBV.

Formaður ÍBV, Þór Vil­hjálms­son, er sjálfur að ná sér eftir COVID smit og hefur miklar áhyggjur yfir því hvort náist að halda mótin og hátíð­ina enda skipti það sköpum í rekstri íþrótta­fé­lags­ins. Tjónið yrði gíf­ur­legt fyrir bæði félagið og bæj­ar­fé­lagið í heild sinni.

„Ég hef það alveg þokka­legt, er að ná mér eftir að vera með veiruna. Nú bíðum við með önd­ina í háls­inum enda skiptir þetta okkur gríð­ar­lega miklu máli, tekju­lega séð. Þetta er um 70% af rekstr­arfé okkar sem um ræðir,“ segir Þór og segir áætl­anir liggja fyrir um frestun íþrótta­mót­anna stóru. Hins vegar segir hann enga leið að fresta hátíð­inni.

„Það er alveg ljóst að við getum ekk­ert fært hana aftur. Við erum enn von­góð, það eru 110 dagar í Þjóð­há­tíð og von­andi vinnur tím­inn með okkur. Við höfum eðli­lega miklar áhyggjur og leggj­umst núna öll á bæn.“