Flugfreyjur hafna samningi Icelandair – Bogir segir niðurstöðuna „mikil vonbrigði“

Meiri­hluti fé­lags­manna FFÍ felldi kjara­samn­ing sem samn­inga­nefnd­ir fé­lags­ins og Icelanda­ir skrif­uðu und­ir í júní. For­stjóri Icelandair segir þetta mikil von­brigði.

„Með þess­um samn­ingi geng­um við eins langt og mögu­legt var til að koma til móts við samn­inga­nefnd FFÍ. Þessi samn­ing­ur hefði tryggt ein bestu kjör fyr­ir störf flug­freyja og flug­þjóna sem þekkj­ast á alþjóða­mark­aði en á sama tíma aukið sam­keppn­is­hæfni fé­lags­ins til fram­tíðar. Þetta eru því mik­il von­brigði,“ segir Bogi Nils Boga­son, for­stjóri Icelanda­ir, í sam­tali við mbl.is.

Fé­lags­menn Flug­freyju­fé­lags Íslands, FFÍ, hafa fellt kjara­samn­ing sem aðilar skrif­uðu und­ir hjá rík­is­sátta­semj­ara 25. júní síð­ast­lið­inn. Á mbl.is kemur fram að kjör­sókn hafi verið 85,3 pró­sent og greiddu 72,65 pró­sent at­kvæði gegn samn­ingn­um, en 26,46 pró­sent með samn­ingn­um.

„Nú verðum við að skoða þá mögu­leika sem eru í stöð­unni og mun­um gera það hratt og ör­ugg­lega. Það hvíl­ir mik­il ábyrgð á okk­ur sem stjórna fé­lag­inu að tryggja rekstr­ar­grund­völl þess til fram­tíðar og þar með verð­mæti fyr­ir þjóð­ar­búið og mik­il­væg störf, þar á meðal störf flug­freyja og flug­þjóna,“ seg­ir Bogi.