Jóhannes lögmaður Covid-skipstjórans: „Reyna draga upp myndina góðir á móti vondum“

Jóhannes Bjarni Björns­son, lög­maður skip­stjór­ans á frysti­tog­ar­anum Júlíus Geir­munds­son ÍS, hefur neitað að leggja fram skips­dag­bók tog­ar­ans að svo stöddu. Í sam­tali við Mannlíf segir hann það gert vegna per­sónu­vernd­ar­sjón­ar­miða og að bókin verði ekki afhend nema stétt­ar­fé­lögin leggi fram umboð skip­verj­anna um afhend­ing hennar. Fáist sam­þykkið ekki kemur til greina að afhenda skips­bók­ina en þá aðeins þegar þeim upp­lýs­ingum sem snúa að Covid-veik­indum áhafn­ar­innar hefur verið eytt.

Líkt og Mannlíf greindi frá hefur sjó­prófum vegna Covid-túrs frysti­tog­ar­ans Júlíusar Geir­munds­sonar ÍS hefur verið frestað. Stétt­ar­fé­lögin sem kærðu útgerð­ina, Hrað­frysti­húsið Gunnvör, telja það bæði óeðli­legt og dula­fullt af hverju skips­bókin fæst ekki afhend taf­ar­laust. Bókin sú svipar til hins svo­kall­aða „svarta kassa“ um borð í flug­vélum og er lyk­il­gagn þegar kemur að fyr­ir­hug­uðu sjó­prófi.

Það var Jóhannes sem ekki vildi afhenda bók­ina nema að upp­fylltum áður­nefndum skil­yrðum. Það gerir hann fyrir hönd Sveins Geirs Arn­ars­sonar skip­stjóra. Aðspurður hvers vegna skjól­stæð­ingur sinn hafi ekki bara viljað afhenda sjó­bók­ina athuga­semda­laust segir lög­mað­ur­inn þetta snú­ast um reglur. „Það er ekki búið að hafna einu eða neinu. Upp­lýs­ingar um veik­indi eru per­sónu­upp­lýs­ingar. Sá sem biður um bók­ina þarf að vera með heim­ild til að fá hana. Þeir þurfa bara að koma með þau umboð. Þetta snýst um að fylgja reglum því þarna er verið að biðja um upp­lýs­ingar um veik­indi ein­hvers og heim­ild frá þeim aðila þarf að leggja fram. Hver og einn ræður því hvort upp­lýs­ingar um sig séu látnar af hendi til þess­ara aðila,“ segir Jóhannes.

Aðspurður hvað ger­ist neiti allir eða ein­hverjir skip­verj­anna að heilsu­fars­upp­lýs­ingar þeirra séu afhendar segir Jóhannes það ekki flókið. Hann segir að þá yrði ein­fald­lega strikað yfir upp­lýs­ingar í sjó­bók­inni. „Þá fá þeir bara ein­hverjar upp­lýs­ingar en aðrar ekki. Þeir geta alltaf fengið dag­bók­ina án upp­lýs­ing­anna um veik­indi ein­stakra manna, það stendur alltaf til boða og þeir geta fengið það strax. Um leið og umboðin hafa verið afhend þá fá þeir þessar upp­lýs­ingar. Við erum að fara eftir settum reglum og það er eng­inn að tefja neitt eða gera eitt­hvað sem er óvenju­legt, skrítið eða eitt­hvað annað. Það að þetta hindri að sjó­próf fari fram er nátt­úr­lega ekki rétt, það er verið að reyna draga upp ein­hverja mynd sem er ekki rétt. Góðir á móti vondum,“ segir Jóhannes.

Líkt og Mannlíf greindi fyrst frá fór frysti­tog­ar­inn Júlíusi Geir­munds­syni í frægan Covid-túr þar sem útlit er fyrir að veikum sjó­mönnum hafi verið haldið á sjó svo vikum skiptir og neyddir til vinnu. Þá hefur útgerðin orðið upp­vís að því að hlýða ekki sótt­varn­ar­lækn­inum á Vest­firði sem gaf ítrekuð til­mæli þess efnis að tog­ar­anum yrði stýrt í land svo áhöfnin kæm­ist í sýna­tökur. Það var ekki gert fyrr en þremur vikur eftir brott­för. Á end­anum tóku stétt­ar­fé­lög skip­verja sig saman og kærði skip­stjór­ann og útgerð­ina til lög­reglu. Nú berj­ast félögin fyrir því að fá skips­dag­bók­ina afhenda og kemur það til kasta dóm­stóla að skera þar úr.

Sveinn Arn­ars­son, skip­stjóri á Júlíusi Geir­munds­syni ÍS, hefur und­an­farið verið einn í skot­lín­unni vegna mis­tak­anna sem leiddu til þess að áhöfn hans veikt­ist af Covid 19 og þurfti að berj­ast við sjúk­dóm­inn á hafi úti svo vikum skiptir. Stjórn útgerð­ar­innar lýsti fullu trausti til Einars Vals Krist­jáns­sonar fram­kvæmda­stjóra sem beðið hefur áhöfn­ina afsök­unar á fram­ferðínu gegn þeim.