Þórólfur mokar peningum í World Class

Björn Leifsson, einn eig­enda World Class, er ein­stak­lega átaka­sæk­inn. Hann fjarg­viðr­ast reglu­lega út af því að þurfa að loka stöðvum sínum á  meðan veiran grass­erar og grætur glatað fé. Nýjasta útspil hans var að veit­ast að Þórólfi Guðn­a­syni sótt­varna­lækni og dylgja um að ástæða aðgerð­anna sé sú að  hann hafi fóbíu gagn­vart heilsu­rækt­ar­stöðvum. Kom þá á dag­inn að Þórólfur er einn þeirra fjöl­mörgu sem borga fyrir aðgang að stöðv­unum án þess að nýta sér þjón­ust­una.

„Ég er bú­inn að vera við­skipta­vin­ur World Class í mörg ár og borga reglu­lega gjöld þar inn með glöðu geði. Ég hef átt þar góðar stund­ir, meira að segja bú­inn að borga heilt ár­gjald allt þetta ár og hef aldrei farið,“ sagði Þórólf­ur á Rás 2.  Hann mokar sem  sagt pen­ingum í Bjössa og er sann­kölluð hjálp­ar­hella án þess að fá neitt í stað­inn …