Lilja hefur aflýst samræmdu prófunum: „Núverandi fyrirkomulag komið á endastöð

Lilja Alfreðs­dóttir, mennta- og menn­ing­ar­mála­ráð­herra, hefur aflýst sam­ræmdum prófum í ensku og stærð­fræði sem 9. bekkur grunn­skóla átti að taka í næstu viku. Hags­munir nem­enda réðu för við ákvörðun ráð­herr­ans.

Þetta kemur fram í til­kynn­ingu frá Lilju og kemur ákvörð­unin í kjöl­far þeirra vand­ræða sem upp komu við sam­ræmda prófið í Íslensku á mánu­dag. Nú efast ráð­herr­ann um að næstu próf muni ganga eitt­hvað betur og því hefur þeim verið aflýst.

Þeir nem­endur sem það vilja geta tekið svo­kallað könn­un­ar­próf í grein­unum tveimur. Lilja segir í til­kynn­ingu sinni að núver­andi fyr­ir­komu­lag sam­ræmdu próf­anna gangi ekki upp.

„Núver­andi fyr­ir­komu­lag sam­ræmdra prófa er komið á enda­stöð. Grund­vall­ar­breyt­ing á sam­ræmdu náms­mati hefur verið í und­ir­bún­ingi, þar sem mark­miðið er að tryggja betur hags­muni nem­enda og þarfir þeirra fyrir skýrt náms­mat,“ segir Lilja.