Björn fengið nóg af fíflagangi í Vesturbænum: „Hvaða mannvitsbrekkur eru hér á ferð?“

Töluvert hefur borið á því að raf­magns­hlaupa­hjólum hafi verið illa lagt. Ýmist hefur fólk kvartað undan því að þau séu skilin eftir á miðri gang­stétt, svo erfitt sé að kom­ast fram hjá þeim nema að fara út á götu. Nú eru íbúar Vest­ur­bæjar hins vegar ósáttir vegna þess að  raf­magns­hlaupa­hjólum hefur verið lagt í bíla­stæði.

Þetta kemur fram í hópi íbúa Vest­ur­bæjar á Facebook. Þar birtir Björn nokkur mynd af hlaupa­hjólum í bíla­stæði við heim­ili hans og skrifar:

Vissu­lega eru ekki allir sam­mála, sumum finnst ekk­ert út á það að setja að hlaupa­hjólum sé lagt í bíla­stæði.

Steinþór skrifar: „Er nokkuð athuga­vert við þetta? Af hverju ætti frekar að vera bíll þarna? … Þau eru fyrir á gang­stétt­inni og þetta er fínn staður fyrir þau. Og þetta með að það þurfi að vera bílar í bíla­stæðum. Af hverju geymir fólk bíl­ana sína ekki bara inni á lóð hjá sér. Er ekki heldur frekt að ætl­ast til að hafa ein­hvern sér díl fyrir bíla í almanna­rými?“

Honum er svarað: „Ef þú skoðar mynd­ina betur má sjá að þarna í kring eru fjöl­býl­is­hús. Það fylgja yfir­leitt ekki lóðir með íbúðum í fjöl­býl­is­húsum. Held það sé svona almennur skiln­ingur um að bíla­stæði séu ætluð bílum.“

Svafar skrifar: „Tvö far­ar­tæki í einu stæði. Þetta kallar maður nýt­ingu.“

Ein spyr: „Ósköp er fólk pirrað, kemstu ekki út úr bílnum eða? … Ég er svo þreytt á fyr­ir­hyggju og predik­un­ar­tóni „sænskra“ sossa að ég gæti gubbað. Ekkert nema kvein yfir engu á þess­ari síðu. Aumk­un­ar­vert.“

„Mega s.s. ekki vera neinar reglur eða við­mið um þessi far­ar­tæki? Bönnum skoð­anir líka! Kannski bara best að skilja þau alltaf á miðri götu, ekk­ert mál að stoppa og færa,“ skrifar Ásta.

Augljóst er að mis­jafnar skoð­anir eru á því hvar heppi­leg­ast sé að skilja eftir raf­magns­hlaupa­hjól. Að skilja það eftir á miðri gang­stétt eða í bíla­stæði telst þó tæp­lega sem ákjós­an­leg­asti stað­ur­inn.