Séra Davíð Þór var dæmdur fyrir innbrot – „Ég varð í raun og veru vandræðaunglingur“

„Þetta byrj­aði með orðum, svo var farið að sitja fyrir manni á leið­inni heim úr skól­anum, skóla­taskan mín var fyllt með snjó og snjó troðið inn á mig og ég var lam­inn. Hann má eiga það dreng­ur­inn sem lamdi mig að hann bað mig síðar afsök­unar á því,“ segir séra Davíð Þór Jónsson um ein­elti sem hann varð fyrir í grunn­skóla.

Davíð Þór segir að hann hafi tvö til þrjú síð­ustu árin í grunn­skóla eig­in­lega keypt sig lausan undan ein­elt­inu með því að verða í raun og veru óalandi og óferj­andi. Og hann varð sjálfur ger­andi.

„Ég varð allt í einu svalur í huga þeirra sem voru að leggja mig í ein­elti af því að ég fór að stel­ast til að reykja úti á skóla­lóð­inni með þeim, ég fór að brjót­ast inn eins og þeir og rífa kjaft við full­orðna. Og ég fór að taka þátt með þeim í að leggja hina í ein­elti sem lágu vel við höggi. Ástæðan fyrir því að ég lagði í ein­elti var að ég var öruggur á meðan; þá var ekki verið að leggja mig í ein­elti. Ég taldi sjálfum mér trú um að það væri afrek hjá mér að vera kom­inn í hóp ger­end­anna. Ég varð í raun og veru vand­ræðaung­lingur og sem ung­lingur fékk ég fyrir inn­brot tveggja ára skil­orðs­bund­inn dóm. Þá varð ég svo­lítið hræddur og sneri við blað­inu í raun og veru.“

Davíð Þór er í Helg­ar­við­tali Mannlífs.