Íbúar Smáíbúðahverfsins óttast grímuklædda veru: „Frekar mikið krípí“

„Vildi bara láta vita það er grímu­klædd týpa að labba hús úr húsi í gerð­unum og gramsa í rusla­fötum. Kannski ekki mikið til­töku­mál, en samt…,“ segir Sólveig nokkur í færslu á síðu íbúa í póst­núm­eri 108 Reykja­vík. Hún bætir við og segir lög­regl­una vita af mann­inum og hafi hún fengið aðra til­kynn­ingu sama eðlis.Svo virð­ist sem nokkuð margir íbúar hverf­is­ins hafi orðið varir við þennan ein­stak­ling og er greint frá að hann hafi sést í fjölda gatna i Smá­í­búða­hverf­inu.Ásta Sóllilja segir hann hafa verið í sinni götu í morgun. „Frekar mikið krípí. Þessi mann­eskja horfði á mig en fór samt beint inn í garð­inn minn.“ Addi spyr Ástu í kjöl­farið hvort hún telji að um íslend­ing eða útlend­ing sé að ræða. „Held það skipti ekki máli, en nei hef ekki hug­mynd. Var með grímu og hettu. Rétt sást í augun.“María hefur séð við­kom­andi gramsa í rusli og Dýrfinna segir hann hafa kíkt á glugga hjá íbúum hverf­is­ins. Sigríður veltir fyrir sér hvort verið sé að kanna aðstæður.

Aðrir sem leggja orð í belg biðja fólk að halda ró sinni. Sigurður skrifar:

„Endilega látið hann fá dósir eða bara pen­ing. Ég gaf honum nokkra þús­und­kalla. Algjör óþarfi að panika þegar fólk er að reyna að redda sér.“ Kristján seg­ist hafa spjallað við hann, um sé að ræða afar almenni­legan Níger­íu­mann sem hafi verið afar þakk­látur fyrir lít­il­ræði af dósum.„Er þetta útlend­ingur frá Asíu? Ég gaf einum slíkum nokkra poka af dósum um dag­inn. þetta var hinn ágæt­asti náungi að reyna að bjarga sér. Vont þó að hafa menn með grímu langt inni á lóð,“ skrifar Friðrik um dul­ar­fulla grímu­mann­inn í Smá­í­búða­hverf­inu.