Kristmann lést úr Covid-19 og borinn til grafar í dag: „Hann var maður sem auðvelt var að elska“

Krist­mann Eiðsson, þýð­andi og kenn­ari, lést af völdum COVID-19 þriðju­dags­kvöldið 20. októ­ber síð­ast­lið­inn í hóp­sýk­ing­unni skæðu sem upp kom á Landa­koti. Í dag verður hann bor­inn til grafar. Krist­mann var 84 að aldri er hann lést af völdum kór­ónu­veirunnar og lætur hann eftir sig fjóra syni.

Gauti, pró­fessor og sonur Krist­manns, til­kynnti um and­lát föður síns með eft­ir­far­andi orðum:

Krist­mann fædd­ist á Búðum í Fáskrúðs­firði hinn 27. maí 1936. Hann lést í Reykja­vík 20. októ­ber 2020. Hann starf­aði lengst af sem ensku­kenn­ari við Rétt­ar­holts­skóla og þýddi auk þess sjón­varps­efni.

Blessuð sé minn­ing Krist­manns.

Krist­mann var alinn upp á Búðum í Fáskrúðs­firði og eftir barna- og ung­linga­skóla þar gekk hann í Mennta­skól­ann á Akureyri og síðar í Mennta­skól­ann í Reykja­vík. Krist­mann gegndi fjöl­mörgum störfum um ævina en lengst af var hann kenn­ari, við Rétt­ar­holts­skóla og árið eftir að Sjón­varpið tók til starfa 1966 var hann feng­inn til að þýða erlent efni fyrir Sjón­varpið, meðal ann­ars hina frægu amer­ísku þátta­röð Dallas. Þýð­ing­ar­vinna hans fyrir sjón­varpið stóð yfir í meira en fjöru­tíu ár.

Þor­steinn, sonur Krist­manns, minn­ist föður sín með hlýju í minn­ing­ar­grein í Morg­un­blað­inu. Þar segir hann að þeir bræð­urnir hafi notið góðs af upp­eldi og móð­ur­máls­kennslu Krist­manns. „Pabbi var kenn­ari og þýð­andi og hann kenndi mér og mörgum öðrum. Við feðgarnir áttum mjög vel saman og nutum sam­vista hvor við annan hvort sem það var á ferða­lögum eða heima í stofu. Orðin sem fóru okkar á milli í sveita­sím­ann forðum eru gleymd en gleðin sem þeim fylgdi ekki, hugur minn og andi því aldrei gleymir, né sam­veru­stundum og minn­ing­unni um kæran vin og dásam­legan föður,“ segir Þor­steinn.

Gauti fer líka fögrum orðum um föður sinn í minn­inga­greinn. „Hann var maður sem auð­velt var að elska og sá ég það af því hve ein­stak­lega vænt barna­börn­unum þótti um hann. Það var því mikið áfall að missa hann úr Covid-19 á Landa­koti síð­ast­liðið haust. Það var sárt að sjá eftir honum og geta ekki kvatt hann almenni­lega og núna viljum bæta úr því, minna átti hann ekki skilið. Vertu sæll, pabbi, og takk fyrir þig, þú verður áfram í hjörtum okkar allra,“ segir Gauti.

Krist­mann verður jarð­sung­inn frá Háteigs­kirkju í dag klukkan 15.