Flestir þeir sem hafa fari um Hornastrandir eru sammála þeir séu með fallegri stöðum sem þeir hafi nokkurntíma séð og upplifað.
Þær bera með sér fornan sjarma sem sýna bæði fegurðina, erfiðleika og sorg frá upphafi byggðar.
Að ganga Hornstrandir er upplifun sem enginn gleymir. Að sjá hús sem áður hýstu fjölskyldur en hýsa nú fallegan gróður og sjá sóleyjar og strá standa út um gluggana þar sem lítil andlit kíktu áður út um.
Reglulega er boðið upp á göngur með leiðsögufólki um Hornstrandir og ætti enginn að láta þá upplifun framhjá sér fara. .
Hornstrandir reyna á öll skilningarvit og líkamann. Fólk verið hugfangið af þessari stórbrotnu nátturufegurð á sama tíma og allir vöðvar eru þandir við að vaða yfir ár og gangandi á fjöll. Hornstrandir geyma leyndardóma hvert sem farið er það má sjá ummerki fólks frá fornum tíma sem minna óþægilega á hversu stutt manns eigin tilvist í raun er. Húsin standa enn, sá sem þau byggði og bjó er löngu farinn.
Hornstrandir eru hrikalega fallegar og það er sagt með vilja. Hornstrandir eru beittar, þær eru brattar, þær eru ógnvekjandi en samt svo fallegar og friðsælar; svolítið eins og krían sem sjá má út um hvippinn og hvappinn.
Athugasemdir