Eldri borgari í Garðabæ: „Er ekki tímabært að bæjarstjóri leiti að glataðri samvisku sinni?“

„Heitasta ósk íbúa Hlein­anna í Garðabæ er að straum­hvörf verði á hug­ar­fari og áhuga­leysi stjórnar gagn­vart okkur íbúum Hleina með marg­um­ræddri lokun aðal­brautar okkar til okkar heima,“ segir Gunnar H. Jónsson íbúi í Garðabæ í bréfi sem hann sendi til bæj­ar­yf­ir­valda í þessum mán­uði.

Málið snýr að lokun Garða­hrauns­vegar – gamla Álfta­nes­veg­ar­ins – í Garða­bæ og hefur valdið mik­illi óánægju á meðal íbúa Hleina­hverfis. Vonuðust í­búarnir, sem eru í kringum eitt hund­rað tals­ins og allir eldri borg­arar, eftir því að mót­mæli og kæru­mál myndu koma í veg fyrir lok­un­ina.

Svo varð ekki.

Gunnar segir í áður­nefndu bréfi „að í upp­vexti okkar aldr­aðra fólks­ins var brýnt fyrir okkur að reyna að lifa í sátt við Guð og menn og gera ekk­ert á hlut minni máttar. Þessi mann­legi lífsmáti hefur vikið fyrir „nýmóð­ins hug­sjón“ að þókn­ast Mammon með reisn en gefa skít í þann sem ekk­ert er upp úr að hafa.“

Eftir að veg­inum var lokað í fyrra hafa íbúar hverf­iss­ins þurft að keyra tveggja kíló­metra leið; út á Álfta­nesið eða í gegnum í­búða­hverfi í Vöngunum í næsta bæj­ar­fé­lagi, Hafnar­firði, en ein­ungis neyðar­bílar og strætis­vagnar mega aka veg­inn nú.

Gunnar sendir bæj­ar­stjóra Garða­bæjar, Gunnari Ein­ars­syni og hans aðstoð­ar­fólki pillu í bréfi sínu:

„Er ekki tíma­bært að bæj­ar­stjóri og hans aðstoð­ar­fólk fari að leita í hug­skoti sínu hvort þar leyn­ist eitt­hvað af áður glat­aðri sam­visku?“ og bætir við:

„Já! Við viljum hafa bein áhrif á okkar umhverfi og sam­ein­umst um betri og mann­vænni Garðabæ,“ segir Gunnar sem endar bréf sitt til bæj­ar­yf­ir­valda svona:

„Gleymum ekki að sýna fuglum him­ins í verki að við séum ekki með hjarta úr blýi. Ég velti fyrir mér hvort sú sé raunin.“

Gunnar er ekki sáttur við Gunnar.

Lokun veg­ar­ins hefur einnig verið harð­lega mót­mælt í Hafnar­firði, enda telja nokkur fjöldi af Han­firð­ingum og Garð­bæ­ingum að lokuni valdið raski, meðal ann­ars fyrir heim­ilis­fólk og starfs­fólk Hrafn­istu í Hafn­ar­firði.

Hulda Hauks­dóttir upp­lýs­inga­stjóri Garða­bæjar segir að „Garða­hrauns­vegi hefur verið breytt úr stofn­braut í safn­götu þar sem um­ferð um veg­inn hefur verið þung og dregið úr bú­setu­gæðum.“