Brjálað að gera hjá Play: Þúsundir stefna úr landi með flugfélaginu

Flug­fé­lagið Play er svo sann­ar­lega í með­vindi þessa dag­ana. Farsælt útboð skil­aði þeim millj­örðum króna og þús­undir manns hafa bókað sig í áætl­un­ar­flug félags­ins. Sýnt er að þjóðin tekur þessu nýja lággjalda­flug­fé­lagi opnum örmum. Þá er greini­legt að ferða­þyrst þjóðin hyggst fara til útlanda á næstu mán­uðum.

Birgir Jónsson, for­stjóri Play, segir við Morg­un­blaðið að félagið hafa selt tug­þús­undir flug­sæta. Búið sé að selja í annað hvert flug­sæti í júlí en síðan sé þétt­bókað í haust.
Play hefur áætl­ana­flug til Berlínar í dag og á næstu þremur vikum bæt­ist við fjórir nýir áfanga­staðir.

Gott gengi Play er ekki síst athygl­is­vert í því ljósi að for­svars­menn Alþýðu­sam­bands Íslands beittu sér af hörku gegn félag­inu og lögð­ust gegn því að fjár­fest yrði eða ferð­ast með félag­inu. Play stefnir á það að kom­ast í svip­aða mark­aðs­stöðu og Wow sem varð gjald­þrota eftir gríð­ar­lega upp­sveiflu.