Lifðu hátt fyrir lítinn pening – Seldu óþarfa hluti á sölusíðum

Eftir Covid-19 höfum við flest séð ein­hverja breyt­ingu á högum okkar, hvernig við lifum, eyðum og spörum. Atvinnu­leysi er gríð­ar­legt og margir hafa þurft að horfast í augu við skertan vinnu­tíma og tekjur. Mörg okkar hafa minna á milli hand­anna en það er ekki þar með sagt að við þurfum að hætta að lifa líf­inu!

Hér eru nokkur ráð til að halda bæði í budd­una og klass­ann!

Veldu gæði umfram magn

Hvort sem þú þarft að fylla inn­kaupa­körf­una eða fata­skáp­inn er mik­il­vægt að velja gæði umfram magn. Þegar maður kýs eða þarf að lifa spar­lega skiptir máli að versla sjaldan en velja gæði. Bæði gefst þá tími og svig­rúm til að spara fyrir dýr­ari hlutum og svo er maður gjarnan mikið ánægð­ari með vand­aða og end­ing­ar­góða hluti. Farðu frekar einusinni fínt út að borða en oft í skyndi­bit­ann því það er bæði holl­ara, ódýr­ara þegar upp er staðið og svo situr upp­lifunin lengur í þér.

Leyfðu þér frekar í hádeginu en að kvöldi til

Oft er hægt að fá frá­bær hádeg­istil­boð á fínni stöðum. Þú borgar minna en mat­ur­inn er alveg jafn góður.

Færðu kaffihúsið heim til þín

Frekar en að eyða hund­ruðum eða þús­undum í kaffi­drykki jafn­vel dag­lega er þjóð­ráð að flytja kaffi­húsið heim. Sæl­kera­kaffi frá bæði Te og Kaffi og Kaffitár fæst í lág­vöru­versl­unum á fínu verði en með til­liti til útgjald­anna sem hljót­ast af því að kaupa þér kaffi­drykk dag­lega verður fjár­fest­ing í to-go bolla og kaffi­græjum fljót að borga sig.

Stundum er nóg að grípa fylgihlutina

Það getur verið dýrt að tolla í tísk­unni en ef maður velur sér end­ing­ar­góðar flíkur getur verið nóg að splæsa frekar í fylgi­hluti eins og úr, skart­gripi, töskur o.þ.h. til að lífga upp á fata­skáp­inn þangað til að buddan leyfir nýjan alklæðnað.

Notaðu útsölurnar

Reiknaðu með að kaupa sem mest á útsölum. Það er hægt að fá fína vöru á góðu verði með því að gera ráð fyrir því að eyðslan lendi á útsölu­tímum.

Klæddu þig upp

Til hvers að eiga vand­aðar flíkur ef maður endar alltaf í joggíng­buxum og hettu­peysu? Að klæða þig upp í upp­á­halds galla­bux­urnar og góða jakk­ann þó þú sért bara að fara í tvær búðir í Kringl­unni er ekk­ert nema gott fyrir sjálfs­traustið.

Láttu nema klippa þig

Nemar í Tækni­skól­anum þurfa reglu­lega hár­módel. Sparaðu þér jafn­vel tugi þús­unda með því að detta inn sem módel hjá fólki sem er að læra hár­snyrti­iðn. Það er ekk­ert að ótt­ast því kenn­ar­arnir eru á staðnum til að leið­beina þeim.

Gerðu ráð fyrir að leyfa þér smá

Þó maður lifi spart er nauð­syn­legt að setja smá lúxus í fjár­hags­á­ætl­un­ina. Að fara einusinni í mán­uði í nudd, Sky Lagoon, Bog­fim­i­s­etrið eða gerðu eitt­hvað sem veitir þér ánægju. Það er ómögu­legt að lifa svo spart að að maður upp­lifi sig í ein­hvers­konar fang­elsi.

Nýttu náttúruna sem líkamsræktartæki

Segðu upp lík­ams­rækt­ar­kort­inu og gakktu heldur á fjall, röltu eða hlauptu um nærum­hverfi þitt, nýttu Skóla­hreysti­stöðv­arnar og Klambra­túnið. Nýttu íþrótta­velli. Það eru allar líkur á að útsýnið sé nokkru skárra en það sem blasir við á hlaupa­brett­inu, líka fyrir mynda­vél­ina.

Farðu í styttri ferðir innanlands

Það getur fleytt manni lengur að fara í fleiri styttri frí en eitt langt á ári. Þrátt fyrir allt er gríð­ar­legt fram­boð af flottum, heimsklassa ferða­þjón­ustu­fyr­ir­tækjum og hót­elum hér heima sem mörg hver bjóða upp á afslætti utan ferða­manna­tíma­bils­ins. Flest stétt­ar­fé­lög halda úti sum­ar­húsum og svo er hægt að skella sér dags­ferðir út í nátt­úruperlurnar okkar.

Fáðu meira fyrir krónuna í útlöndum

Þegar þú svo vilt fara til útlanda er rakið dæmi að skoða hvar þú færð sem mest fyrir krón­una. Verðlag á svæðum breyt­ist auð­vitað en Prag og Búdapest eru dæmi um staði þar sem fólk hefur getað farið í rán­dýr frí fyrir lít­inn pen­ing.

Fáðu færri en stærri gjafir

Ekki hika við að biðja fólk að slá saman í stærri hluti handa þér í t.d. afmælis- eða jóla­gjafir sem þú hefur meiri not fyrir en einn kaffi­bolla úr stelli sem þú safnar ekki og ómerkt skraut sem er greini­lega úr Rúm­fatala­gernum. Kannski er staðan þannig að þú sért að spara þér fyrir ákveðnum dýrum hlut sem fólkið þitt getur ekki slegið saman í en þá er allt í lagi að biðja um gjafa­kort til að þoka þér nær tak­mark­inu.

Seldu draslið á Facebook

Finndu til draslið sem þú notar ekki og seldu það á sölu­síð­unum. Drasl fyrir þér getur verið fjár­sjóður í augum ann­ara og fjár­mun­ina getur þú svo nýtt í það sem skiptir þig máli.