Urgur er innan íþróttahreyfingarinnar vegna ömurlegrar framgöngu Guðna Bergssonar, formanns KSÍ, sem hefur verið staðinn að ósannsögli til að þagga niður hneykslismál vegna landsliðsmanna sem hafa orðið uppvísir af brotum. Svo er að sjá sem Guðni og stjórn KSÍ hafi sópað undir teppið ýmsum hneykslismálum sem snúa að nauðgun, kynferðisbrotum, heimilisofbeldi og drykkjulátum. Nýjasta málið er kynferðisbrot og líkamsárás ótilgreinds landsliðsmanns á Þórhildi Gyðu Arnarsdóttur. Guðni formaður laug því í Kastljósi að ekkert mál sem snéri að kynferðisofbeldi landsliðsmanna hefur komið á borð stjórnar KSÍ. Þórhildur Gyða steig þá fram og upplýsti hið rétta og að málið hefði líka komið inn á borð Guðna Th. Jóhannessonar, forseta Íslands, sem þannig er hluti af þagnarmúrnum. Landsliðsmaðurinn, sem enn nýtur nafnleyndar, var tekinn úr landsliðinu tímabundið en síðan settur inn í liðið aftur og ofbeldið fyrirgefið. Menn spyrja sig hvort formaðurinn og stjórn KSÍ geti staðið af sér framgöngu sem er víðsfjarri því drenglyndi og þeim heiðarleika sem á að ríkja í kringum íþróttir, Guðni er á brún hengiflugsins …
Athugasemdir