Ómar R. Valdimarsson lögmaður og fjölmiðlakonan Erna Ýr Öldudóttir virðast ekki hafa mikið álit á Þórhildi Gyðu Arnarsdóttur sem kom upp um Guðna Bergsson er hann laug í viðtali á RÚV varðandi tilkynningar um kynferðisofbeldi gagnvart landsliðsmönnum KSÍ. Í framhaldi birti Mannlíf fyrst allra að gerandinn væri Kolbeinn Sigþórsson, sem nú hefur verið tekinn úr landsliðshópnum og á þar að auki yfir höfði sér riftun samnings við Gautaborg.
Þetta er vissulega ekki í fyrsta sinn sem Þórhildur Gyða tengist máli sem varðar kynferðisofbeldi, því hún kom við sögu þegar uppistandarinn Björn Bragi var gómaður við að áreita unga stúlku kynferðislega.
Sjá einnig: Landsliðið í stormi samfélagsmiðla – Ásakanir um kynferðisbrot og heimilisofbeldi
Ómar R. Valdimarsson og Erna Ýr Öldudóttir virðast telja að eitthvað sé nú bogið við það að lenda í kynferðislegu áreiti og ofbeldi oftar en einu sinni á Íslandi.
Ómar spyr „hversu oft getur eldingu slegið niður á sama stað?“
Og svarar sjálfum sér:
„Í tilfelli Þórhildar Gyðu Arnarsdóttur, sem er fórnarlamb feðraveldisins í KSÍ-málinu, er svarið þrisvar,“ og bætir um betur:
„Það þarf greinilega að vernda þessa stúlku mjög vandlega, því hún virðist ekki geta stungið út nefinu án þess að trylltir útsendarar feðraveldisins geri hana að fórnarlambi sínu.“
Erna Ýr er á svipuðum slóðum og Ómar:
„Þórhildur Gyða Arnarsdóttir, sem KSÍ dramað hverfist um, virðist alveg svakalega óheppin í samskiptum sínum við karlmenn. Þvílíkt lífshlaup! Við ættum að biðja fyrir henni.“
Orð Ómars lögmanns og Öldu Ýrar fá ekki mikinn hljómgrunn og baráttukonan Hildur Lilliendahl lætur þau heyra það:
„WHAT THE ACTUAL FUCK ER ÞETTA SKÍTAPAKK?“
Sjá einnig: Segir tvo þjóðþekkta Íslendinga hafa nauðgað sér ítrekað: „Ég skila skömminni, FOKKIÐ YKKUR “
Athugasemdir