Hver man ekki eftir því þegar Sigmundur Davíð Gunnlaugsson, formaður Miðflokksins, taldi að brotist hefði verið inn í síma þingmanna á Klaustur bar. Hann hefur áður lýst yfir áhyggjum af því að brotist hafi verið inn í tölvu hans og að hann hafi verið eltur af kröfuhöfum. Atvikið var svo alvarlegt að grípa þurfti til aðgerða gegn fjölmiðlum.
Erlent kjöt er baneitrað
Eins var mörgum brugðið þegar Sigmundur fór að vara við neyslu á erlendum landbúnaðarvörum vegna þess að það gæti haft skaðlegar afleiðingar á hegðunarmynstur landsmanna. Sigmundur er annálaður áhugamaður um íslenska matvöru og lýsir því gjarnan yfir að íslenskt hráefni sé best. „Einn af mörgum kostum við íslenskt kjöt er að maður þarf ekki að elda það frekar en maður vill.“ Áhugavert myndband sem vakti mikla athygli á dögunum náðist af Sigmundi borða hrátt nautahakk og sagði hann að „þegar maður er úti í náttúrunni og enga leið til að elda… er mikilvægt að kjötið sé ÍSLENSKT.“
Fleiri álver
Umhverfismál hafa verið Sigmundi leikin. Hann er handviss um að umhverfinu væri meiri greiði gerður með nýju álveri en loftslagsstefnu ríkisstjórnarinnar. Sagði hann að með því að opna nýtt álver á Íslandi minnkaði þörfin á nýju álveri í Kína sem notaðist við kol, þessar fullyrðingar fóru ekki vel í framkvæmdastjóra Landverndar.
Dreifing óhróðurs
Sigmundur hefur ekki alltaf verið sáttur við fjölmiðla: Frægt var viðtal Gísla Marteins Baldurssonar við hann á RÚV þar sem allt fór á annan endann. Þá var það minnistætt þegar Sigmundur Davíð, þáverandi forsætisráðherra gekk út úr viðtali við Jóhannes Kr. Kristjánsson og sænska fréttaskýringaþáttinn Uppdrag granskning og reyndi að stöðva birtingu þess „Alveg fyrir neðan allar hellur,“ sagði Sigmundur Davíð þegar hann gekk út úr viðtalinu eftir að hafa verið staðinn að ósannindum um félagið Wintris sem hann átti í skattaskjól. Hann sagði að dreifing óhróðurs um sig erlendis væri „grundvöllur að nýrri útrás“ og kvartaði undan þeirri áherslu að birta þáttinn.
Obama gerði grín af Sigmundi
Þetta var ekki í fyrsta né síðasta skiptið sem Sigmundur stal senunni í fjölmiðlum. Árið 2013, mætti Sigmundur þáverandi forsætisráðherra á fund Barack Obama fyrrverandi Bandaríkjaforseta í Hvíta húsið í ósamstæðum skóm, ekki hans besta ,,tískumóment“. „Í fyrsta lagi vil ég láta þess getið að þetta er ágætis leið til að brjóta ísinn á svona fundum. Það spunnust nokkrar umræður um þetta og fólki var nokkuð skemmt. Obama grínaðist með þetta og hinir líka,“ sagði Sigmundur Davíð sem útskýrði hvernig þetta væri til komið. Hann var sem sagt meiddur á fæti.
Fór hann bara…
Árið 2015 spurði þingheimur, virðulegi forseti, var hann að fara til þess að fara á fund? Var hann að fara að tala við Alþjóðagjaldeyrissjóðinn eða Sameinuðu þjóðirnar eða hvað? Nokkrir þingmenn stjórnarandstöðunnar gagnrýndu í pontu Sigmund Davíð Gunnlaugsson forsætisráðherra fyrir að vera ekki staddur í þingsal þegar verið var að ræða fyrirspurn Svandísar Svavarsdóttur, þingmanns Vinstri grænna, til hans. Og Svandís var ekki hress:„Hann var að fara að fá sér köku, virðulegi forseti. Ég verð bara að segja það að mér finnst þetta með algjörum ólíkindum. Ég spyr forseta hvort þetta geti talist til sóma í þinginu?“
Athugasemdir