Gunnar Smári Egilsson, forsprakki Sósíalistaflokks Íslands, er ekki parhrifinn af vinnubrögðum Stundarinnar og telur að fjölmiðillinn eigi að lýsa opinberlega yfir andstyggð sinni á flokknum í stað þess að klæða andúð sína í fréttaskýringum.
Þetta kemur fram í færslu Gunnars Smára á Facebook-síðu Sósíalistaflokksins. Þar spyr hann:
„Hvað er eiginlega með þetta blað? Er það að launa einhverjum styrkina sem það fékk, vill það standa með elíuflokkunum og skammast í þeim flokkum sem ekki hafa lýst yfir ánægju með fjárstuðning til eigenda Stundarinnar?“
Fréttaskýringin sem fór fyrir brjóstið á Gunnar Smári fjallar um stefnu stjórnmálaflokkanna fyrir komandi kosningar og telur hann þar ómaklega tekið á flokki sínum. Bendir hann meðal annrs á nýsamþykkta utanríkisstefnu sósíalistanna.
„Í dag stendur heimsbyggðin frammi fyrir mestu fólksflutningum sögunnar og flóttamenn hafa ekki verið fleiri síðan í seinni heimsstyrjöldinni. Þetta er afleiðing styrjaldja og valdabaráttu, efnahagslegs vanda veikstæðra þjóða í alþjóðavæddum kapítalisma og loftslagsbreytingar. Gera þarf ráð fyrir því að flóttafólki muni fjölga verulega á næstu árum, ekki síst vegna loftslagsbreytinga. Allar þjóðir heimsins þurfa að axla ábyrgð á þessum vanda og til að mæta honum þurfum við að endurskoða útlendingalögin sem við störfum eftir í dag.
Innflytjendum mun fjölga á næstu ár og áratugi og styrkja íslenskt samfélag, rétta við óhagstæða aldursamsetningu og tryggja okkur aukið afl til að standa undir velferð og réttlæti innan samfélagsins. Hagmunir okkar fara því saman með fólkinu sem hrakið hefur verið á flótta og leitar sé að nýju heimili þar sem það getur tryggt sér og sínum öryggi, frið og þokkalega afkomu. Taka verður á móti flóttafólki með mannúð og mannréttindi að leiðarljósi og hafa það í huga að við erum öll íbúar á sömu jörð.“
Gunnar Smári hæðist nokkuð að Stundinni og skrifum blaðsins um Sósíalistaflokkinn. Hann segir blaðamanninn svo ákafan í andúð sinni að viðkomandi verði fullkomlega hlægilegur. „Lesið um Sósíalistaflokkinn hjá Sósíalistaflokknum, ekki í illa dulbúnum áróðursgreinum Stundarinnar, sem virðist vera að gabba fólk til að kjósa and-sósíalustana í Pírataflokknum,“ segir Gunnar Smári ákveðinn.
Athugasemdir