Skipverjar Júllans hafa hætt í hrönnum – 12 farnir eftir frægan Covid-túr

Síðan frysti­tog­ar­inna Júlíus Geir­munds­son frá Ísafirði, oft kall­aður Júllinn, fór í hinn fræga Covid-túr hafa 12 skip­verjar hætt störfum og snúið sér að öðru. Samkvæmt áreið­an­legum heim­ildum Mannlífs hættu tveir þeirra af öðrum orsökum en 10 bein­línis vegna þess hvernig útgerðin, Hrað­frysti­húsið Gunnvör, tók á málum

Líkt og Mannlíf greindi fyrst frá var frysti­tog­ar­anum sigld í land eftir að langstærstur hluti áhafn­ar­innar veikt­ist af Covid-19 á mið­unum. Alls sýkt­ust 22 af 25 manna áhöfn tog­ar­ans.

Allan túr­inn voru menn að veikj­ast einn og einn. Fæstir urðu mjög veikir en þó var und­an­tekn­ing þar á. Það var hins vegar ekki gert fyrir en þremur vikum síðar þegar skip­verjar voru margir hverjir orðnir hund­veikir og umdæm­is­læknis sótt­varnar á Vestjörðum hafði ítrekað lagt til að tog­ar­anum yrði siglt í land. Þeim til­mælum var ekki sinnt.

Sveinn Geir Arn­ars­son skip­stjóri stýrði Júllan í hinum umdeilda Covid-túr. Hann var á end­anum kærður fyrir afglöp í starfi og ját­aði sök fyrir Hér­aðs­dómi Vest­fjarða. Þar var Sveinn sviptur skip­stjórn­ar­rétt­ind­unum í fjóra mán­uði og sektaður um 750 þús­und eins og áður segir, fyrir brot á sjó­manna­lögum.

Sveinn skip­stjóri var hins vegar sendur út sem stýri­maður skips­ins í túr þess snemma á árinu. Samkvæmt heim­ildum Mannlífs hlaut sú ákvörðun útgerð­ar­innar mis­góðar und­ir­tektir skip­verj­anna. Sú staða þýddi að Sveinn er næsti und­ir­maður skip­stjóra og í raun æðsti maður skips í hálfan sól­ar­hring meðan skip­stjóri er í koju.

Nú er svo komið að 12 skip­verj­anna hafa horfið á braut og yfir­gefið Júllann.