Hjónin á Ökrum lentu í furðulegum þjófnaði – Óska eftir upplýsingum

Hjónin á Ökrum á Snæ­fells­nesi lentu í þjófum en þýfið verður að telj­ast ansi óvenju­legt. Af landi þeirra hvarf nefni­lega hval­beina­grind.

Ólína Guð­laugs­dóttir, á Ökrum, segir frá mál­inu á Facebook.

„Góðan dag. Í Garða­sandi hér í Hlein­ar­plássi á Hellnum hefur legið hvals­hræ á þriðja ár og höfum við verið að bíða eftir að hreins­að­ist af beinum svo hægt væri að taka það í heilu lagi og koma fyrir hér ein­hvers staðar á svæð­inu til sýnis og fróð­leiks. Nýlega hefur ein­hver/ein­hverjir tekið sig til og tekið beina­grind­ina.“

Kemur einnig fram í færsl­unni að beina­grindin hafi ekki verið í alfara­leið en að henni liggur ekki vegur. Til þess að kom­ast að henni þarf að aka yfir tún og nokkra ófæru. Þá aug­lýsir Ólína eftir upp­lýs­ingum og segir að þetta hafi verið mikil von­brigði og að í fram­hald­inu muni þau lík­leg­ast tak­marka alla umferð óvið­kom­andi um svæðið.

Ólína segir í sam­tali við Mannlíf að rek­inn sé sam­eig­in­legum með öðrum eig­endum og því snerti þetta nokkra til við­bótar við þau hjónin.