Páll Heiðar um spilakassa: „Byggðir upp á blekkingum til að hafa af þér eins mikið fé og hægt er“

Páll Heiðar Jónsson er sál­fræð­ingur hjá SÁÁ og hann ritar áhuga­verðan pistil um spila­kassa og fíkn þeim tengdum:

„Hér eru mik­il­vægar upp­lýs­ingar um spila­kassa fyrir fólk sem þá notar: Spila­kassar eru hann­aðir af sér­fræð­ingum í mann­legri hegðun. Hönnun þeirra miðar að því að nota öll til­tæk ráð til að gera kass­ana eins ávana­bind­andi og ómót­stæði­lega og mann­leg þekk­ing á við­fangs­efn­inu gerir okkur kleift. Sá sem hannar mest ávana­bind­andi spila­kass­ann stendur sig best í sinni vinnu,“ skrifar Páll Heiðar og heldur áfram:

„Þeir eru byggðir upp á blekk­ingum og tál­sýnum til að hafa af þér eins mikið fé og er mögu­lega hægt. Það er til­gangur og virkni þeirra. Skjár kass­ans lýsir ekki innri virkni hans, skjár­inn er ekki að mynd­birta það sem ger­ist innra með honum. Skjárinn er blekk­ing. Þegar það virð­ist sem maður hafi „næstum unnið“ þá er það ekki svo heldur er mark­miðið að láta þér líða þannig að „þetta sé alveg að koma“. Þú hefur enga stjórn á útkom­unni, sama hvað þú gerir; sama hvort eða hvernig þú ýtir á skjá­inn eftir að leikur er haf­inn þá hefur það engin áhrif á útkom­una.“

Hann nefnir að „til­finn­ing um stjórnun er blekk­ing. Líkurnar á vinn­ingi eru ávallt þær sömu og þær eru þér ekki í hag. Tölvan reiknar ein­fald­lega tölu af handa­hófi með slembitölu­gjafa (e. random num­ber gener­ator) og það ákvarðar útkom­una í hvert sinn. Kassinn heldur ekki tölu um vinn­inga og tap, hann geymir ekki vinn­inga og er aldrei fullur eða tómur af pen­ingum. Því hver leikur í kass­anum er sjálf­stæður leikur, óháður fyrri leikjum; það heitir „Sjálf­stæði atburða“. Því fær­ist maður aldrei nær vinn­ingum, það er blekk­ing.“

Bætir við:

„Hann er samt hann­aður til að láta þig halda að þú getir með ein­hverju móti haft áhrif á útkom­una; það heitir „Tálsýnin um stjórn“. Fjár­hættu­spil eru ávallt sett upp út frá þessum tveimur reglum: Að hver leikur sé sjálf­stæður atburður, óháður fyrri leikjum og að þú hafir enga stjórn á útkom­unni. Annars væru það ekki fjár­hættu­spil og þá væri hægt að læra að græða á þeim. Þá væri skyn­sam­legt að stunda fjár­hættu­spil og naskur leik­maður gæti grætt á þeim með því að beita réttri aðferð. Það er hins vegar ekki svo, hönn­uðir spila­kass­anna sjá til þess.“

Páll Heiðar vill að lokum benda þeim sem vilja hætta að spila á vef­síð­una [email protected], eða síma­núm­erið 530-7600. Einnig að ef þú ert aðstand­andi ein­stak­lings með spila­vanda þá er um að gera að hafa sam­band á net­fangið [email protected], eða í áður­nefnt síma­númer, 530-7600, sem er einnig fyrir aðstand­endur yngri en 18 ára, og líka sál­fræði­þjón­usta fyrir börn.