Megas verður áfram á heiðurslaunum, en að þessu sinni verður engum nýjum bætt á listann, í bili að minnsta kosti.
Eftir viðtal við Bergþóru Einarsdóttur varðandi meint kynferðisofbeldi Megasar og Gunnars í Súkkat fór sú umræða í gang að svipta ætti Megas laununum, en svo verður ekki.
Það er Allsherjar og menntamálanefnd sem hefur ákveðið að ekki verði breytt þeim lista yfir þá listamenn sem hljóta heiðurslaun listamanna.
En einnig þýðir þetta að ekki verður bætt á listann; samkvæmt lögum hefur Alþingi árlega heimild til veita upp að tuttugu og fimm listamönnum heiðurslaun.
Fram kemur að tveir á listanum létust á árinu: Leikarinn og söngvarinn og heiðursmaðurinn Jón Sigurbjörnsson, og hinn frábæri rithöfundur Vilborg Dagbjartsdóttir.
Á næsta ári verða því tuttugu og þrír listamenn sem þiggja heiðurslaunin, Megas þar á meðal.
Athugasemdir