Dóra Björt er ósátt: „Skiptir hlutverk feðra gjörsamlega engu máli?“

Dóra Björt Guð­jóns­dóttir, odd­viti Pírata í borg­ar­stjórn Reykja­víkur, er ósátt við aðgerð­ar­leysi stjórn­valda þegar kemur að barn­eignum í Covid far­aldr­inum og hlut­verki feðra í ferl­inu en Dóra á von á barni í vor með manni sínum, Sævari Ólafs­syni.

„500 manns fara á við­burði en faðir ófædda barns­ins míns fær ekki að koma með inn til ljós­móður til að heyra stöð­una, hvort það yfir­leitt heyr­ist hjart­sláttur frá barn­inu hans eða ræða fæð­ing­una. Á að bíða fyrir utan. Skiptir hlut­verk feðra gjör­sam­lega engu máli? Er þetta grín?“ segir Dóra á Twitter síðu sinni.

Enn mega makar ekki koma með í skoð­anir á Lands­spít­ala, hvorki í sónar né mæðra­skoðun. Einnig er for­eldrum gert að mæta ekki saman með nýfædd börn í svo­kall­aða 5 daga skoðun.

Í síð­ustu viku voru fjölda­tak­mark­anir rýmkaðar og mega nú 50 manns koma saman, í einka- eða opin­beru rými en sú regla gildir ekki um fjölda á sitj­andi við­burðum:

„Heimilt er að hafa allt að 500 manns í hólfi á sitj­andi sviðs­list­ar­við­burðum og í útförum, í kvik­mynda­húsum og leik­húsum“.