Líkamsleifar Miu fundust í skóglendi – Tveir menn ákærðir fyrir morðið

Lög­reglan í Norður Jótlandi hefur fundið lík­ams­leifar í skóg­lendi sem taldar eru til­heyra Miu Skad­hauge Stevn, 22 ára konu sem hefur verið týnd síðan síð­ast­lið­inn sunnu­dags­morgun. Tveir menn hafa verið hand­teknir og ákærðir fyrir morðið á Miu.

Sjá einnig: Tveir menn hand­teknir vegna hvarfs ungrar konu – Mia sást fara upp í bíl aðfara­nótt sunnu­dags

Mia sást síð­ast á örygg­is­mynda­vélum fara upp í dökkan bíl. Sá bíll er að öllum lík­indum fund­inn en lög­reglan hefur lagt hald á Volkswagen Polo sem tal­inn er vera téður bíll. Lík­ams­leifar sem taldar eru til­heyra Miu fund­ust í gær­kvöldi í skóg­lendi en unnið er að því að rann­saka leif­arnar frekar.

Bíllinn sem tal­inn er tengj­ast mál­inu.

Mynd: tv2.dk skjá­mynd

Menn­irnir sem ákærðir eru fyrir morðið eru báðir 36 ára og íbúar í Norður Jótlandi. Annar þeirra hefur verið settur í gæslu­varð­hald til 10 mars en hinum hefur verið sleppt. Sak­sókn­ar­inn í mál­inu hefur áfrýjað þeirri ákvörðun og þarf hæsti­réttur að taka afstöðu til máls­ins. Þeir neita báðir sekt í mál­inu.

Ekki er vitað hvernig Mia var myrt né hvers vegna hún fór upp í bíl­inn en lög­reglan telur mögu­legt að hún hafi ætlað að fá far hjá svoköll­uðum skutl­urum, sem eru ein­hverss­konar óop­in­berir leigu­bíl­stjórar.

Hægt er að lesa um málið á síðu tv2.dk