Sex ára stúlka fannst eftir að hafa verið saknað í tvö ár – Foreldrar hennar handteknir

Sex ára stúlka fannst falin í leyni­her­bergi undir stiga rúmum tveimur árum eftir að henni var rænt.

Paislee Shultis var rænt af for­eldrum sínum árið 2019 eftir að þau misstu for­ræði yfir henni, hún var þá fjög­urra ára gömul. Hennar hefur verið saknað síðan hún hvarf af heim­ili for­ráða­manns síns í New York, for­eldrar hennar földu sig frá lög­reglu.

Kimberly Cooper og Kirk Shultis Jr, for­eldrar Paisleem voru grunuð af lög­reglu þegar hún hvarf en á mánu­dag­inn fékk lög­regla ábend­ingu um að Paislee væri hjá þeim. Gerð var hús­leit heima hjá par­inu og þau yfir­heyrð en neit­uðu allri sök í mál­inu og sögð­ust ekki vita um dóttur sína.

Í leit­inni tóku rann­sókn­ar­menn eftir ein­hverju und­ar­legu undir stiga húss­ins og við nán­ari athugun reynd­ust litlir fætur leyn­ast þar.

Fundust þá Paislee og móðir hennar, Kimberly, falin í litlu rými. Stúlkan var flutt á sjúkra­hús í skoðun og síðar skilað til for­ráða­manns.

For­eldr­arnir og afi barns­ins, sem bjó á heim­il­inu, voru öll kærð fyrir að leggja líf barns í hættu og mann­rán.