Frosti kominn í ótímabundið leyfi frá störfum: „Ég veit að ekkert getur bætt fyrir hegðun mína“

Frosti Logason, fjöl­miðla­maður á Stöð 2, er kom­inn í leyfi frá störfum sínum hjá Sýn eftir að fyrr­ver­andi kærasta hans kom fram í við­tali og sak­aði hann um and­legt ofbeldi, fyrir og eftir sam­bands­slit. Þessu er greint frá á mbl.is.

Þór­hallur Gunn­ars­son, fram­kvæmda­stjóri Miðla, stað­festir þetta í sam­tali við mbl.is og segir jafn­framt að Frosti hafi sjálfur óskað eftir því að fara í leyfi. Hann segir þó að málið hafi þegar verið til umræðu þegar Frosti bar fram beiðni sína.

Leyfi Frosta mun vera ótíma­bundið og að sögn Þórhalls ekki hægt að segja til um það á þessum tíma­punkti hvort það komi til með að leiða til upp­sagnar hans.

Edda Pét­urs­dóttir kom fram í við­tali í hlað­varp­inu Eigin Konur, þar sem hún lýsti and­legu ofbeldi í sinn garð frá fyrr­ver­andi kærasta sem hún var með í nokkur ár. Viðtalið birt­ist einnig í Stund­inni. Í gær kom í ljós að fyrrum kærast­inn er Frosti Logason. Edda lýsti því meðal ann­ars hvernig hann hafi tekið upp kyn­ferð­is­leg mynd­bönd af henni án hennar vit­undar og hótað því svo að birta þau, eftir að sam­band­inu lauk. Hún hafi setið undir hót­unum og áreiti frá honum í um ár eftir sam­bands­slitin og lifað í ótta í um ára­tug.

Frosti sendi frá sér yfir­lýs­ingu á Facebook í gær þar sem hann sagð­ist gang­ast við ásök­unum Eddu. Hann sagð­ist jafn­framt taka fulla ábyrgð á hegðun sinni. „Ég veit að ekk­ert getur bætt fyrir hegðun mína, það minnsta sem ég get gert er að gang­ast við því sem ég gerði og biðj­ast inni­lega afsök­unar,“ sagði Frosti í yfir­lýs­ing­unni.