Hin íslensku Bonnie og Clyde – Rændu 100 milljónum og skyldu eftir ógreidda hótelreikninga

Parið Sigurjón Pét­urs­son og Sigríður Hákon­ar­dóttir Waage vöktu mikla athygli sum­arið 1995 en þau fengu við­ur­nefnið „Hin íslensku Bonnie og Clyde“

Sigurjón og Sigríður voru hand­tekin fyrir að stela um 70 millj­ónum frá versl­un­ar­fé­lag­inu Íslensk-amer­íska þan 28 júní árið 1995. Feng­ur­inn var þó að mestu í víxlum og ýmsum við­skipta­skjölum sem erfitt hefur verið að koma í verð, fyr­ir­tækið tap­aði þó miklum fjár­munum á því að láta ógilda alla þessa papp­íra.

Parið átti sér langan saka­feril fyrir inn­brotið og voru bæði í alvar­legri fíkni­efna­neyslu. Eftir inn­brotið héldu þau á Aust­ur­land þar sem þau brut­ust inn í fjögur fyr­ir­tæki. Skrif­stof­urnar hjá Kaupfélagi Vopna­fjarðar, Bókhalds- og við­skipta­þjónustu Kristjáns Magnússonar, versl­un­ina Kauptún og flug­stöðina á Vopna­firði.

„Þaðan tóku þau nokkur ávísana­hefti og sam­tals 75 þúsund krónur í pen­ingum. Einnig tóku þau ýmsan varn­ing, tals­vert af geisla­diskum, mat­væli auk mik­ils magns af áfengi og bjór sem þau kom­ist yfir í flug­stöðinni. Þetta gerð­ist fimmtu­dag­inn 6. Júlí,“ segir í ítar­legri grein Helg­ar­pósts­ins á sínum tíma.

Eins og áður sagði voru þau bæði langt leiddir fíklar en þau spraut­uðu efnum í æð, það þótti mik­ill skandall árið 1995 enda sú neysla ekki nærrum því eins algengt og hún er í dag.

Sunnu­dag­inn 9.júlí sama ár braust parið inn í heilsu­gæslu­stöð­ina á Kirkju­bæj­ar­klaustri þar sem þau lögðu hald á mikið magn lyfja, einkum mor­fín­lyfja sem ætla mátti að þau not­uðu í neyslu.

Eftir þessa löngu ferð um landið náði lög­reglan þeim loks í Gríms­nesi. Í bílnum þeirra var mest allt þýfið. Lög­reglan fann svo lyfin við veg á Gríms­nesi þar sem parið hafði skilið þau eftir.

Áður en Sigurjón og Sigríður brut­ust inn í Íslensk-amer­íska höfðu þau skilið eftir sig langa slóð af ógreiddum hót­el­reikn­ingum á Norð­ur­landi, á milli staða óku þau á stolnum bíl sem þau fundu á Akureyri.

„Sigurjón og Sigríður eru vel þekkt innan lögregl­unnar enda eiga þau langan afbrota- og fíkni­efna­feril að baki, einkum Sigurjón. Hann er 31 árs gam­all en hún 24 ára. Fyrir utan fíkni­efna­neyslu er hann einkum þekktur fyrir mikla afkasta­getu í inn­brotum,“ sagði í Helg­ar­póst­inum.