Leynisamtöl á Facebook – er einhver í feluleik?

Í skila­boða­for­riti Facebook, Messen­ger, er hægt að stofna til leyni­legs sam­tals sem er for­ritað þannig að litlar líkur eru á að óæski­legir kom­ist í þau. Hægt er að stilla sam­talið þannig að skila­boð hverfi innan ákveð­ins tíma og er mögu­leik­inn því nyt­sam­legur þeim sem ef til vill hafa eitt­hvað að fela.

Leyni­sam­tölin (e. secret conversation) virka þannig að ein­ungis er hægt að opna þau í þeim tækjum sem stofn­uðu til sam­tal­anna. Það þýðir að ef not­andi býr til leyni­sam­tal í snjall­síma, munu þau ekki birt­ast í tölvu sama not­anda.

Dæmi: Ein­stak­lingur stofnar til leyni­sam­tals við aðila í snjall­síma. Tölva við­kom­andi situr heima á eld­hús­borði, opin á Facebook. Þrátt fyrir það mun eng­inn sjá skila­boðin birt­ast á tölu­skjánum. Þau birt­ast ein­göngu í síma við­kom­andi. Það sama gildir um þann sem er á hinum enda sam­tals­ins; skila­boðin birt­ast bara í því tæki sem við­kom­andi opn­aði þau fyrst í.

Þegar ýtt er á nafn við­tak­anda má sjá mögu­leik­ann „More actions“. Þar má síðan velja „Go to secret conversation“.

Skilaboð hverfa

Leyni­sam­töl má líka stilla með þeim hætti að skila­boð og myndir hverfi eftir ákveðið langan tíma. Tímann má stilla allt frá fimm sek­úndum, upp í einn dag. Það þýðir að um leið og not­andi opnar skila­boð eða mynd í leyni­sam­tali byrjar klukkan að telja niður þar til það sem sent var hverfur, bæði fyrir við­tak­anda og send­anda. Þetta er hent­ugur mögu­leiki fyrir þá sem senda myndir á milli en vilja ekki að þær séu til áfram.

Ef ein­hver tekur skjá­skot af myndum eða skila­boðum í leyni­sam­tali fær aðil­inn á hinum end­anum meld­ingu um það.

Hægt er að láta skila­boð hverfa innan ákveð­ins tíma.

Ef til vill lítt þekktur möguleiki

Þegar blaða­maður spurð­ist fyrir í sínu nærum­hverfi kom í ljós að fæstir höfðu hug­mynd um þennan mögu­leika Facebook-for­rits­ins. Enginn sem blaða­maður spurði höfðu nýtt sér mögu­leik­ann. Þrátt fyrir þetta er hann alls ekki nýr, heldur hefur boð­ist not­endum allt frá árinu 2016.

Leyni­sam­töl eru lík­lega mest nýtt af þeim sem eru í ein­hvers konar leyni­makki og hafa eitt­hvað að fela fyrir sínum nán­ustu. Þó geta sam­töl af þessu tagi einnig komið að góðum notum þegar um er að ræða sam­töl eða vinnu með við­kvæmar per­sónu­grein­an­legar upp­lýs­ingar eða gögn sem annar aðil­inn vill ekki að hægt sé að vista eða geyma án þeirra vit­neskju.

Gruni þig ein­hvern nákom­inn þér um óheið­ar­leika og laumu­spil gæti því verið ágætt að hafa það í huga að þessi mögu­leiki er sann­ar­lega fyrir hendi og lík­lega þeim kunn­ugur sem á annað borð bera sig eftir því að fela eitt­hvað.