Páll Vilhjálmsson, sögukennari Fjölbrautarskólans í Garðabæ, er borinn þungum sökum í greinum blaðamannanna Þórðar Snæs Júlíussonar á Kjarnanum og Aðalsteins Kjartanssonar á Stundinni sem hafa verið lögsóttir í tengslum við þjófnað á síma og uppljóstranir um svonefnda Skæruliða Samherja.
Páll hefur á bloggi sínu ítrekað sakað þá félaga og Þóru Arnórsdóttur, ritstjóra Kveiks, um glæpi gegn Páli Steingrímssyni, skipstjóra og skæruliða Samherja, eða að minnsta kosti aðild að þeim. Þar hefur sögukennarinn haldið því fram að Páli hafi verið byrlað og gefið til kynna að þær upplýsingar komi fram frá lögreglunni. Nú virðist sem engin gögn styðji það að skipstjóranum hafi verið gefin ólyfjan. Stór hluti ásakana Páls, sem jafnframt er hátíðabloggari Morgunblaðsins, virðist þannig byggður á uppspuna. Páll skipstjóri virðist samkvæmt sömu gögnum vera sekur um margsögli og að hafa spunnið upp glæp fyrrverandi eiginkonu sinnar við sjúkrabeðinn.
Staða Sjálfstæðismannsins Páleyjar Bergþórsdóttur, lögreglustjóra á Akureyri, er ekki síður vafasöm. Hún hefur, undir uppklappi Bjarna Benediktssonar, formanns Sjálfstæðisflokksins, sótt að blaðamönnunum af hörku og einbeitni. Páley var á sínum tíma bæjarfulltrúi í Vestmannaeyjum en fékk núverandi embætti og flutti þá í heimabæ Samherja. Ef Aðalsteinn og Þórður Snær fara með rétt mál þá blasir við eitt stærsta spillingarmál á seinni tímum þar sem stjórnmál, löggæsla og viðskipti flettast saman í því skyni að berja á fjölmiðlafólki …
Athugasemdir