Yngvi í stað Heiðars sem hætti vegna heilsubrests: „Ég hlakka til að takast á við þessa áskorun”

Fram kemur á vef íslensku kaup­hall­ar­innar að Sýn hf. sé búið að ráða nýjan for­stjóra.

Stjórn Sýnar hf. hefur gengið frá ráðn­ingu Yngva Hall­dórs­sonar, sem for­stjóra félags­ins, en Yngvi er með B.S. gráðu í við­skipta­fræði frá Háskóla Íslands; sat í stjórn félags­ins árin 2014-2019.

Síð­ast­liðin tvö ár hefur Yngvi gegnt stöðu fram­kvæmda­stjóra rekst­ar­sviðs Sýnar hf.

Heiðar Guð­jóns­son.

Ingvi kemur í stað Heiðars Guð­jóns­sonar, sem hætti sem for­stjóri nýverið vegna heilsu­brests.

Áður starf­aði Yngvi meðal ann­ars hjá Össur hf. um tíu ára skeið.

Petrea I. Guð­munds­dóttir er stjórn­ar­for­maður Sýnar hf. og hún er ánægð með ráðn­ing­una:

„Það er mik­il­vægt við núver­andi aðstæður að tryggja áfram­hald­andi festu í rekstri félags­ins. Yngvi þekkir afar vel til félags­ins og því mik­ill fengur að fá hann til að leiða dag­legan rekstur þess.”

Og líka Yngvi, eðli­lega:

„Ég hlakka til að takast á við þessa áskorun í sam­starfi við allt það fram­úr­skar­andi fólk sem starfar hjá félag­inu. Þá mun ég leggja mig allan fram um að leiða félagið áfram á þeirri braut sem hefur verið mörkuð.”