Einar Bárðarson sem stundum er kallaður umboðsmaður Íslands, segist ekki mega sækja Landsfund Sjálfstæðismanna, þrátt fyrir að vera sjálfur í framboði í Umhverfis- og samgöngunefnd flokksins.
„Í fyrsta sinn líklega í 30 ár fæ ég ekki að sækja Landsfund Sjálfstæðismanna. Eftir áratugi af trúnaðarstörfum i ýmsum félögum, fjáröflun og setu miðstjórn flokksins. Mér var það sérstakt kappsmál að komast á fundinn þar sem ég er i framboði á fundinum til Umhverfis- og samgöngunefnd flokksins þar sem ég brenn fyrir umhverfismál eins og fólk vonandi veit.
Þetta kemur mér spánskt fyrir sjónir og ég er að velta fyrir mér hvað veldur en kannski er það vegna þess að ég held með Liverpool eða búið að merkja mig sem stuðningsmann Gulla. Óska vinum mínum góðrar helgar og vonandi verður fundurinn gæfuríkur fyrir starf flokksins,“ skrifaði Einar á Facebook-vegg sinn.
Færslan hefur vakið athygli og þó nokkrir hafa skrifað athugasemd við hana. Einn þeirra er Þórir nokkur sem skrifar: „Einar minn. Þú veist að Bjarni Benediktsson lætur ritskoða hverjir fara á Landsfund og það er alveg klárt að stuðningur við Liverpool og Gulla hefur valdið því að þér hefur verið kippt út. Við hin reynum að halda uppi þínum sjónarmiðum með bros á vör um helgina.“
Fríður nokkur spyr mætrar spurningar: „Hvernig virkað lýðræðið innan flokksins þegar menn eru í framboði og fá ekki að mæta?“
Þá skrifar Friðrik nokkur: „Þú ert kannski bara í vitlausum flokki….ef þér er hafnað svona með þinn bakgrunn. Who knows“
Athugasemdir