Óperusöngvarinn og fagurkerinn Bergþór Pálsson er þeirrar skoðunar að aksturslag manna og hegðun þeirra í umferðinni segi ýmislegt um það hvernig þeir standa sig í rúminu. Hann tjáir hana í færslu á Facebook og deilir þar viðvörunarorðum lögreglunnar á höfuðborgarsvæðinu um að ökumenn skuli hætta að skjóta sér hratt á milli akreina í umferðinni.
Bergþór skilur einfaldlega ekki þessa hegðun ökumanna í umferðinni og er sannfærður um að hún segi margt um bólfimi karlkyns ökumanna sem þannig hegði sér. Sú speki sé upphaflega komin frá vinkonu óperusöngvarans.
„Ef hann þjösnast í umferðinni er hann að öllum líkindum vonlaus elskhugi, en ef hann er lipur eru líkur á að hann hafi þá karlmennsku, sveigjanleika og næmni sem þarf til þess að vera almennilegur bólfélagi,“ segir Bergþór og bætir við:
„Það er líka spurning af hverju við skjótumst fram fyrir bíla í borgarumferðinni til þess eins að klossbremsa. Til hvers? Það er löngu búið að reikna út að við erum jafnlengi á milli staða hvort sem við keyrum á 40 km eða 100 km hraða á klukkustund, út af öllum ljósunum og öðrum hraðahindrunum.“
Athugasemdir