Lið Vopnafjarðar fór í fjórðungsúrslit í Norðurlandamóti í Lego-þrautum

Dodici, Lego-lið Vopna­fjarð­ar­skóla komst í fjórð­ungsúr­slit á Norð­ur­landa­móti í Lego-þrautum sem haldið var í Osló um helg­ina.

Í frétt Aust­ur­fréttar segir að árangur Vopna­fjarð­ar­liðs­ins sé eft­ir­tekt­ar­verður í ljósi þess að í heild tóku 49 lið þátt í keppn­inni. Hin liðin komu frá Svíþjóð og Noregi en Dodici vann sér þátt­töku­rétt með því að sigra Íslands­keppn­ina annað árið í röð.

Fyr­ir­komu­lag keppn­innar úti var álika og í land­skeppn­inni. Kynnti liðið hug­myndir sínar  fyrir dóm­nefnd að orku­lausnum í heima­byggð en þær fólust í vél­rænu loft­ræsti­kerfi, gólf­mottum sem fram­leiða raf­magn sem og hjólum undir skóla­borðum.

Að vanda var hápunktur keppn­innar lausn á þrauta­braut með vél­menni sem búið var til með kubbum og Lego-tækni. Stig voru gefin fyrir bæði frammi­stöðu vél­menn­is­ins og hug­mynd­ina að baki for­rit­un­inni. Þá voru veitt verð­laun fyrir liðs­heild.

Segir í frétt Aust­ur­fréttar að keppnin hafi verið haldin í höf­uð­stöðvum Equinor sem er orku­fyr­ir­tæki norska rík­is­ins sem varð til er Statoil sam­ein­að­ist olíu og gas­deild Norsk Hydro. Það var liðið RoadSnack frá Norður-Troms sem bar sigur úr býtum í keppn­inni.