Fjölskylda Julian Sands þakkar leitarfólki: „Erum djúpt snortin yfir allri ástinni og stuðningnum“

Fjöl­skylda leik­ar­ans Julian Sands hefur sent frá sér til­kynn­ingu en leik­ar­inn hefur verið týndur frá 13. jan­úar.

Hinn 65 ára breski leik­ari, Julian Sands, sem þekkt­astur er fyrir leik sinn í kvik­myndum á borð við A Room With a View, Arachnophobia, The Killing Fields og Leaving Las Vegas, fór í göngutúr við fjallið Baldy í Suður-Kali­forníu, þann 13 jan­úar en snjó­koma var úti. Hefur ekk­ert til hans spurst síðan.

Gríð­ar­leg leit hefur staðið yfir síðan hann týnd­ist en nýlega sendi fjöl­skylda hans frá sér til­kynn­ingu þar sem hún sendir leit­ar­fólki sínar dýpstu þakkir en aðstæður til leitar hafa verið á köflum hættu­legar.

„Okkar inni­legu þakkir til góð­vilj­ugu með­lima lög­reglu­stöðvar San Bern­ar­dino-sýslu sem stjórna leit­inni að okkar ást­kæra Julian,“ stóð í til­kynn­ing­unni en þar stóð einnig: „Og ekki síst til hetj­anna í leit­ar­flokk­unum sem hafa þurft að þola erf­iðar aðstæður á jörðu niðri sem og í lofti, í þeirri umleitan að koma Julian heim.“

Sands fjöl­skyldan nefndi svo nöfn allra þeirra hópa og björg­un­ar­sveita sem tekið hafa þátt í leit­inni á fjall­inu og bætti svo við: „Við erum djúpt snortin yfir allri ást­inni og stuðn­ingnum.“