Situr uppi með tugmilljóna galla á húsi sínu og er hunsaður af Hafnarfjarðarbæ: „Aleigan er farin“

Sæmundur Jóhanns­son er íbúi í Hafn­ar­firði, og hann hefur ekki fal­lega sögu að segja um við­brögð bæj­ar­ins vegna alvar­legra galla­mála á eign sinni.

„Mig langar að segja ykkur mína reynslu af fast­eigna­við­skipum í Hafn­ar­firði. Árið 2008 kaupum við hjónin hús á Burkna­völlum. Við kaupum þetta hús í gegnum fastein­ga­söl­una ÁS í Hafn­ar­firði sem full til­búið hús.“

Sæmundur segir að „um 5 árum seinna komumst við að því að húsið er enn á fok­held­is­stigi en ekki full til­búið hús eins og við töldum okkur vera að kaupa. Sem sagt þá vorum við plötuð af selj­anda hús­ins og fastein­gna­söl­unni ÁS til að kýla söl­una í gegn. Ekkert stóð í kaup­samn­ing að eignin væri á fok­held­is­stigi; það var galla­mál á eign­inni 2012, þá komumst við líka að því að eignin er ekki með bygg­inga­stjóra ábyrð frá árinu 2005, sem á ekki að vera hægt.“

Sæmundur hefur reynt oft að gera eitt­hvað í mál­unum en alls­staðar rekið sig á veggi innan stjórn­kerfis Hafn­ar­fjarð­ar­bæjar:

„Bygg­inga­full­trúi Hafn­ar­fjarðar mót­tekur bréf þess efnis árið 2005 að það sé engin bygg­inga­stjóra­trygg­ing á eign­inni en stöðvar ekki fram­kvæmdir eins og lögin kveða um. Svo er húsið byggt algjör­lega eft­ir­lits­laust.

Hildur Bjarna­dóttir bygg­ing­ar­full­trúi Hafn­ar­fjarð­ar­bæjar.

Ég sendi fjölda tölvu­pósta á Bygg­inga­full­trúa Hafn­ar­fjarðar vegna máls­ins en engum tölvu­póstum var svarað.

Ég hef í tvö skipti reynt að fá loka­út­tekt á eign­ina, en alltaf boðar bygg­ing­ar­stjór­inn Arnór Frið­þjófs­son for­föll klukkus­stund fyrir boð­aða fundi.“

Eðlilega er Sæmundur ósáttur, enda er hús hans illa farið vegna áður­nefndra ástæðna sem Hafn­ar­fjarð­ar­bær hefur ekk­ert viljað gera í:

„Núna árið 2023 er ég með 40-50 millj­óna króna galla á eign­inni. Hef reynt að hafa sam­band við Rósu Guð­bjarts­dóttir bæj­ar­stjóra sem svarar engum tölvu­póstum; hef fengið neitun við bóta­skyldu frá lög­fræð­ingi Hafn­ar­fjarða­bæjar.“

Ívar Bragason lög­maður Hafn­ar­fjarð­ar­bæjar.

Mikil veik­indi hafa verið hjá fjöl­skyldu Sæmundar vegna myglu sem fannst víða í hús­inu, og enn er fjöl­skyldan að leita sér lækn­is­hjálpar sjö mán­uðum eftir að þau yfir­gáfu húsið:

„Múr­ara­meist­ari húss­ins við­ur­kennir að hann hafi aldrei stigið inn í þetta hús, en kann­ast þó við upp­á­skrift sína sem Múr­ara­meist­ari hús­ins.“

Að end­ingu segir Sæḿundur að „það er ljóst að Hafn­ar­fjarð­ar­bær ber ábyrð á eft­ir­lits­skyldu á bygg­ingum í bæj­ar­fé­lag­inu.

Ef bygg­ing­ar­full­trúi Hafn­ar­fjarðar hefði stöðvað fram­kvæmdir árið 2005, eins og lög gera ráð fyrir, þá væri ég ekki með stór­gallað hús og veika fjöl­skyldu sem er komin í leigu­hús­næði í öðru bæj­ar­fé­lagi; aleigan er farin.

Það er alveg glatað að marg­falda sínar skuldir með lán­töku til að borga fyrir fúsk ann­ara. Ég vona eftir næstu kostn­ingar komi ný bæj­ar­stjórn í Hafn­ar­firði sem kann að axla ábyrð.“