Rósa bæjarstjóri gerði lítið úr óförum óléttrar konu: „Það er nú fólk sem sefur í bílunum sínum“

Agnes Gróa Jóns­dóttir er ung og ólétt kona sem er á leið á göt­una fljót­lega, en henni hefur ekk­ert gengið að fá leigða íbúð og kvíðir næstu mán­uðum mikið, enda er von á barn­inu í febr­úar.

Agnes leit­aði til Rósu Guð­bjarts­dóttur bæj­ar­stjóra Hafn­ar­fjarðar. Agnes fékk ekki neina hjálp né samúð hjá Rósu bæj­ar­stjóra, en Agnes fór sem betur fer á fund­inn með frænku sinni sem getur stað­fest hvað fram fór á fund­inum.

Agnes skrifar allsvaka­lega færslu um málið á Facebook þar sem hún nán­ast grát­biður fólk að hjálpa sér að finna litla íbúð áður en barnið kemur í heim­inn; hjálp­ina við það fékk hún alla­vega ekki frá bæj­ar­stjór­anum í Hafn­ar­firði, Rósu Guð­bjarts­dóttur:

Færsla Agnesar hefst svona:

„Ég trúi eig­in­lega ekki að ég sé að gera þetta en svona er staðan. Ég er 27 ára gömul, ófrísk af mínu fyrsta barni; gengin 6 mán­uði á leið. Ég kem af mjög brotnu heim­ili, hef þurft að sjá um mig sjálf frá því ég man eftir mér.“

Agnes Gróa Jóns­dóttir.

Hún bætir við að „ég þekki það ekki að eiga bak­land eða normal fjöl­skyldu­líf; ég hef bara þurft að redda mér sjálf og sjá um mig sjálf. Ég þekki ekk­ert annað og hefur mér tek­ist það nokkuð and­skoti vel þangað til núna þegar ég er í fyrsta skipti að biðja um hjálp.“

Agnes er að missa íbúð­ina sem hún bjó og verður nú bráð­lega ólétt á göt­unni:

„Núna er ég búin að vera í næstum 2 mán­uði að reyna finna íbúð á höf­uð­borg­ar­svæð­inu, aðal­lega í Kópavogi eða Hafn­ar­firði, þar sem að ég er bíl­laus og alltof ein­angruð hérna í Keflavík og líður hrein­lega illa.“

Bætir við:

„Ég er byrjuð að vinna í bænum líka og er svo sem ekki mikið að fara flytja eftir 1-2 mán­uði þar sem að ég er sett 23. febr­úar. Ég er gjör­sam­lega að gef­ast upp þar sem að ég labba á veggi all­staðar!“

Hún seg­ist liggja inni á „leigu­síðum, er að senda og senda á fólk með íbúðir sem eru undir 200.000 á mán­uði, það eru yfir­leitt 20+manns þá búnir að sækja um og trygg­ing yfir­leitt 300-600 þús­und, sem er upp­hæð sem ég hvorki á né kemst í; ég er með mikið af tattooum og ef ég á að vera hrein­skilin er ég ekki beint þannig útlít­andi að fólk vilji endi­lega leiga mér, sem ég skil svo sem alveg; sorg­legt en stað­reynd.“

Agnes nefnir að hingað til hafi hún fundið íbúðir í gegnum vini sína, en nú er það ekki að ganga upp:

„Þeir sem að þekkja mig vita að ég er algjör snyrtip­inni og hef alltaf átt fal­legt heim­ili og skiptir það mig mjög miklu máli. Ég geng það langt að ég fór að hitta bæj­ar­stjór­ann í Hafn­ar­firði og aðstoð­ar­konu hennar, frænka mín fór með mér og hún átti ekki til orð! Það sem ég fékk frá þeim var bók­staf­lega: „Það er nú fólk sem sefur í bíl­unum sínum.“

Ég er búin að tala við Barna­vernda­nefnd, Félags­ráð­gjafa hér og þar, menn sem eiga leigu­fé­lag, ALLT, það virð­ist engin geta hjálpað mér með íbúð eða aðstoðað mig. Ég geng um gólfin heima hjá mér þar sem að ég er að falla á tíma og vil ekk­ert meira en öruggt hús­næði fyrir mig og dóttir mína sem fer að koma í heimin. Ég vil biðja ykkur um að hafa mig í huga ef þið vitið um ein­hverja sæta litla íbúð helst í Hfj, Kóp eða Grb sem leyfir 2 kisur sem fylgja mér og eru mér allt. Með von um það besta.“