Ótrúleg en sennileg kenning í Hollywood: Matthew McConaughey og Woody Harrelson eru hálfbræður

Hollywood-vin­irnir Matthew McConaughey og Woody Harrel­son gætu verið tengd­ari en þeir hafa hingað til haldið.

Fram kemur í frétt E News! að forn­vin­irnir Matthew McConaughey og Woody Harrel­son hafi nýlega komið mörgum á óvart með ótrú­legri upp­ljóstrun. Hún er sú að þeir séu mögu­lega ekki aðeins fóst­bræður, heldur einnig hálf bræður. Þar til nú hefur Matthew trúað því að hann sé sonur þeirra Mary McCabe og James McConaughey en hann er fæddur árið 1969 en Woody er sonur Diane Oswald og Charles Harrons og er fæddur árið 1961. En nú veltir Matthew sem sagt fyrir sér, hvort faðir Woody, sem lést árið 2007, gæti verið faðir hans líka.

„Hvar ég byrja og hvar [Woody] endar, og hvar hann byrjar og ég endar, hefur alltaf verið eins og gruggug lína,“ sagði Matthew í hlað­varps­þætt­inum

Let’s Talk Off Camera with Kelly Ripa

sem fór í loftið 11. apríl. „Og það er partur af bræða­lags­ást okkar, ekki satt? Börnin mín kalla hann Woody frænda. Hans krakkar kalla mig Matthew frænda. Og þú sérð myndir af okkur og fjöl­skylda mín heldur oft að myndir af honum, séu af mér. Hans fjöl­skylda heldur oft að myndir af mér, séu af honum.“

Móðir Matthew, sem er 91 árs gam­all rit­höf­undur, kastaði sprengju í Grikk­landi fyrir nokkrum árum þegar hún sagð­ist hafa þekkt föður Woody en hann var dæmdur leigu­morð­ingi.

„Við sátum saman og vorum að tala um það hversu nánir við værum og okkar fjöl­skyldur, í Grikk­landi fyrir nokkrum árum. Og mamma var þarna og hún sagði, „Woody, ég þekkti pabba þinn“. Allir tóku eftir grein­ar­merk­inu sem mamma setti við orðið „þekkti“. Það var gild­is­hlaðið Þ-E-K-K-T-I.“

Athuga­semd móð­ur­innar fékk fjöl­skyld­urnar til að rann­saka málið frekar.

„Við fórum í það að kryfja það sem þetta „þekkti“ þýddi og fórum í smá stærð­fræði­kúnstir og komumst að því að pabbi Woody var í orlofi á sama tíma og mamma og pabbi voru að skilja í annað skiptið,“ útskýrði Matthew. „Og svo eru mögu­legar kvitt­anir og staðir í Vestur-Texas þar sem mögu­lega voru hitt­ingar, eða fundir, eða svona „þekkj­ast“ augna­blik.“

Matthew og Woody hafa ekki enn tekið DNA-próf til að kom­ast að hinu sanna í mál­inu en það gæti orðið tals­verð bið í það.

„Sjáðu, það er tals­vert auð­veld­ara fyrir Woody að segja „kommon, tökum DNA-próf“, því hver er áhættan fyrir hann?“ sagði Matthew. „Það er tölu­vert erf­ið­ara fyrir mig því hann er að biðja mig um að taka þá áhættu á að ég segi „Bíddu aðeins, þú ert að reyna að segja mér að pabbi gæti mögu­lega ekki veirð pabbi minn, eftir að ég hef trúað því í 53 ár?“. Áhættan er nokkuð meiri mín megin.“