Glímugoðsögn látin – Lærifaðir Hulk Hogan, Jesse Ventura og fjöldi annarra

Glímu­goð­sögnin Billy Graham er látin. Var hann 79 ára gam­all.

And­láts­fréttin barst frá annarri goð­sögn úr WWE-glímu­heim­inum, Ric Flair sem skrif­aði minn­ing­ar­orð um hina föllnu stjörnu á Twitter. „Stór­stjarnan Billy Graham hefur yfir­gefið okkur. TAKK FYRIR ÖLL ÁHRIFIN SEM ÞÚ ÁTTIR á feril minn!“

Graham, sem hét réttu nafni Eldridge Wayne Coleman, lést í gær þegar slökkt var á önd­un­ar­vél hans, sam­kvæmt TMZ. Fjöl­skylda kappans sagði frá því á mánu­dag­inn að hann hefði verið lagður inn á spít­ala og á gjör­gæslu­deild síð­ustu vikur þar sem hann barð­ist við ónafn­greind veik­indi. Eig­in­kona Grahams og dóttir voru við hlið hans er hann lést.

Áður en Graham fann köllun sína var hann lík­ams­rækt­ar­fröm­uður og lék í Kanadísku ruðn­ings­deild­inni, áður en hann byrj­aði feril sinn hjá amer­ískur glímu sam­tök­unum á sjö­unda ára­tug síð­ustu aldar. Árið 1975 steig hann fyrst í hring­inn hjá WWE-deild­inni sem þá kall­aðir Word Wrestling Federation.

Ric Flair er aðeins einn af fjöl­mörgum glímuköppum sem Graham leið­beindi en nefna má til dæmis stjörnur á borð við Hulk Hogan, Jesse Ventura, Scott Steiner og fjöldi ann­arra. Graham keppi í síð­asta skiptið í WWE-hringnum árið 1987 en árið 2004 var hann inn­limaður í Frægð­ar­höll WWE.

Síðustu tvo ára­tugi glímdi Graham við fjöl­marga heilsu­kvilla, meðal annar lifr­ar­bilun, hjarta­bilun, syk­ur­sýki, sýk­ingu í eyrum og höf­uð­kúpu ásamt fjöldi ann­arra kvilla sem að lokum olli síð­ustu spít­ala­inn­lögn­inni. Að öðru leiti var hann heilsu­hraustur.