Óli vantreystir Svandísi

Óli Björn Kárason, þing­flokks­for­maður Sjálf­stæð­is­flokks­ins, er búinn að fá nóg af Svandísi Svav­ars­dóttur mat­væla­ráð­herra. Hann skrifar í dag blaða­grein og lúskrar á ráð­herr­anum vegna hval­veiði­banns­ins. Þing­flokks­forn­að­ur­inn lýsir van­trausti á ráð­herr­ann.  „Ráðherr­ann hef­ur kastað blautri tusku í and­lit allra þing­manna sam­starfs­flokka rík­is­stjórn­ar­inn­ar,“ seg­ir Óli Björn í grein sinni.

Hann segir það vera póli­tískan barna­skap að halda að fram­ganga Svan­dísar hafi ekki áhrif á stjórn­ar­sam­starfið. „Traust milli mat­væla­ráð­herra og stjórn­arþing­manna er lítið og það mun hafa áhrif á sam­starf þeirra á kom­andi mán­uðum,“ segir hann í grein sinni.

Fullvíst er talið að Óli Björn hafi fengið grein­ina birta í sam­ráði við Bjarna Bene­dikts­son, for­mann Sjálf­stæð­is­flokks­ins. Það er einnig aug­ljóst að Svandís setti á hval­veiði­bannið í fullu sam­ráði við Katrínu Jak­obs­dóttur, for­mann Vinstri grænna. Augljóst er að stjórn­ar­sam­starfið er í beinum háska. Ban­eitrað sam­band VG og Sjálf­stæð­is­flokks­ins virð­ist vera að renna sitt skeið á enda …