Í dag bárust fregnir af því að óbreyttur Bandarískur hermaður hafi hlaupið yfir landamæri Suður- og Norður-Kóreu. Svo virðist sem að manninum hafi verið fylgt að flugvelli þar sem átti að flytja hann til Bandaríkjanna vegna refsinga sem hann átti yfir höfði sér en honum hafi tekist að koma sér út úr flugstöðinni og laumað sér með landamæraeftirlitssveit.
Hann mun hafa nýtt tækifærið þegar hann kom að skilgreindu svæði á landamærunum þar sem vopnaðar sveitir eru ekki til staðar og hlaupið hlæjandi yfir landamærin.
Yfirvöld í Bandaríkjunum hafa lýst því yfir að maðurinn hafi farið farið yfir landamærin án heimilda, af fúsum og frjálsum vilja og sé að líkindum í haldi Norður-Kóreskra hersveita.
Ýmsar fréttaveitur hafa birt að nafn mannsins sé Travis King.
Varnarmálaráðuneyti Bandaríkjanna hefur lýst yfir áhyggjum af velferð mannsins.
Athugasemdir