Prettyboitjokko mjög ósáttur við Bubba og Bó: „Björgvin þarf að passa sig“

Patrik Atlason, oft­ast kall­aður Prett­yboitjokko, er ekki sáttur við ummæli Bubba Morthens og Björg­vins Hall­dórs­sonar um sig.

Prett­yboitjokko var til við­tals í Bítinu í morgun og ræddi hann, ásamt öðrum, fréttir vik­unnar. Talið barst að Bubba Morthens og grein sem hann rit­aði í Morg­un­blaðið.

„Nú einmitt skrif­aði Bubbi grein í Morg­un­blaðið í gær um íslensk­una og ég veit ekki hvort þið sáuð mynd­bandið á Vísi af loka­spurn­ing­unni í,“ sagði Oddur Ævar, frétta­maður, þegar Prett­yboitjokko greip fram í fyrir honum og sagði: 

„Ég nenni ekki að tala um Bubba, hann var eitt­hvað drulla yfir mig þarna um dag­inn. Hann sagði að ég væri ekk­ert nema útlit og ekk­ert inni­hald. Hann og Bó Hall, þeir eru ekki ánægðir með mig. En þá veit maður að maður er að gera eitt­hvað rétt. Björgvin þarf að passa sig, hann þarf að passa sig“

Heimir Karlsson, þátta­stjórn­andi Bítisins, spurði af hverju þeir hefðu verið að tala um Prett­yboitjokko.

„Egill Helga var eitt­hvað að segja að þið [Vísir og Bylgjan – inn­skot blaða­manns] væruð alltaf að fjalla að ég sé á ein­hverjum bíl og það væri verið að fjalla um það og þá kemur Egill Helga og…“ þá taka þátt­stjórn­endur undir og segja að „ahh já, efn­is­hyggjan“

„Þetta minnir mig á Bubba-söng­leik­inn, það eru alltaf nokkrir Bubbar í gangi. Núna er íslensku-Bubbinn,“ sagði Prett­yboitjokko að lokum um Bubba.