Einn áhrifamesti leiðtogi verkalýðs á Íslandi, Vilhjálmur Birgisson á Akranesi, hefur skipt um skoðun og vill krónuna feiga. Vilhjálmur hefur framundir þetta verið grjótharður stuðningsmaður krónunnar en nú þegar verðbólgubálið er að éta upp eignir og sliga heimili er hann kominn með upp í kok. „Nú hef ég skipt um skoðun enda kominn á endastöð með að verja krónuna,“ skrifar Vilhjálmur sem væntanlega er þar með kominn í þann hóp Íslendinga sem telur aðild að Evrópusambandinu vera farsælan kost fyrir þjóð í úlfakreppu.
„Heimilum þessa lands hefur verið misþyrmt í formi okurvaxta og verðtryggingar eins lengi og elstu menn muna. Ekki einni einustu þjóð hefur dottið til hugar að koma svona fram við þegna sína eins og gert hefur verið hér á landi þegar kemur t.d. að þeirri grunnþörf hverrar fjölskyldu að búa í öruggu húsnæði á viðráðanlegum kjörum,“ skrifar verkalýðsleiðtoginn …
Athugasemdir