Britney Spears sjokkeraði aðdáendur sína með nýju myndbandi á Instagram.
Í myndbandinu dansar Britney sama dans og hún dansar alltaf, en í þetta skipti heldur hún á því er virðist flugbeittum eldhúshnífum.
Poppprinsessan fullyrðir í texta sem fylgir myndskeiðinu að ekki sé um alvöru hnífa að ræða og bætir við að Hrekkjavaka sé á næsta leiti. Ef hnífarnir eru gervi, eru þeir ansi vel gerðir því bæði glampar á þá og þegar hún slær þeim saman heyrist alveg eins hljóð og heyrist þegar tveimur hnífum er skellt saman.
Britney hefur átt erfitt undanfarið en eiginmaður hennar fór nýverið frá henni en hann sakaði hana um að hafa haldið framhjá honum. Hafa aðdáendur hennar haft áhyggjur af henni og tjáð þær áhyggjur óspart á Instagram-reikningi hennar en nú hefur hún lokað fyrir athugasemdirnar.
Dansinn furðulega má sjá hér fyrir neðan:
Athugasemdir