Vill róttækar breytingar í stefnu stjórnvalda: „Afkoma bænda hefur verið með öllu óviðunandi“

Þórarinn Ingi Pét­urs­son segir líf ís­lensks land­bún­aðar hangi á blá­þræði.

Alþing­is­mað­ur­inn Þórarinn Ingi Pét­urs­son telur að það þurfi að breyta um stefnu þegar kemur að nálgun stjórn­valda að bændum. Hann fór yfir málið í pistli sem hann skrif­aði.

„Það hefur legið fyrir um tíma að staða bænda hafi farið versn­andi á síð­ustu árum, staðan hefur verið margrædd en lítið að gert. Veru­leik­inn er sá að afkoma bænda hefur verið með öllu óvið­un­andi frá árinu 2020, rekstr­ar­grund­völl­ur­inn er hverf­andi með hverjum mán­uði, nýliðun er lítil sem engin og bændur kalla ítrekað eftir aðgerðum til að koma starfs­grein­inni aftur í fyrra horf,“ sagði Þórarinn í pistli sínum sem birt­ist á Vísi. Hann sagði einnig að það væri ekk­ert einka­mál bænda að standa vörð um fæðu­ör­yggi þjóð­ar­innar. Það væri sam­eig­in­legt verk­efni bænda og stjórn­valda.

„Þá er nýliðun orðið „orð“ sem maður heyrir allt of sjaldan. Það að ger­ast bóndi í dag er ekki aðlað­andi verk­efni. Það er ekki aðlað­andi fyrir ungt fólk að takast á við allar þær skyldur sem fylgja því að vera í búskap og þurfa síðan auk þess fyrir utan hefð­bund­inn vinnu­dag að fara í aðra vinnu til þess eins að geta fram­fleytt fjöl­skyldu sinni. Það að fara út í jarð­ar­kaup í dag með öllu til­heyr­andi er á fárra færi, und­ir­rit­aður telur að skoða þurfi af fullri alvöru mögu­leika á að útfæra hlut­deild­ar­lán til nýlið­unar bænda.“

Þórarinn telur að Íslandi verði að skipu­leggja sig sem mat­væla­fram­leiðslu­land og það mál verði að setja í for­gang. „En fyrsta verk­efnið er að setj­ast niður með bændum og fara yfir stöð­una, hvað er til ráða, því að ef ekk­ert verður að gert þá mun fara illa og við eigum eftir að sjá á eftir þeirri mat­væla­fram­leiðslu sem við stundum í dag.“