Peaky Blinders stjarna látin – Greindist með heilaæxli fyrir átta vikum

Ljóð­skáldið og leik­ar­inn Benjamin Zephaniah er lát­inn, 65 ára að aldri eftir aðeins átta vikna bar­áttu við heila­æxli.

Blessuð sé minn­ing þessa mikla snill­ings.

Mynd: Trausti Haf­steins­son

Sorg­ar­fregn­irnar bár­ust í til­kynn­ingu sem fjöl­skylda hans skrif­aði á Instagram-reikn­ingi Benja­mins. Þar stóð: „Það er með mik­illi sorg og eft­ir­sjá að við til­kynnum and­lát elsku­legt eig­in­manns, sonar og bróður, snemma í morgun.“

„Benjamin greind­ist með heila­æxli fyrir átta vikum síðan. Eig­in­kona Benja­mins var við hlið hans í gegnum veik­indin og var með honum er hann dó. Við deildum honum með heim­inum og við vitum að mörgum bregður og verða sorg­mæddir við að heyra frétt­irnar. Benjamin var sannur braut­ryðj­andi og frum­kvöð­ull, hann gaf heim­inum svo margt.“

„Benjamín skilur eftir sig gleði­lega og frá­bæra arf­leið, í gegnum ótrú­legan feril sinn sem ljóð­skáld, rit­höf­undur, tón­list­ar­maður og leik í sjón­varpi og útvarpi. Þakka ykkur fyrir þá ást sem þið sýnduð Benjamin Zephaniah pró­fessor. “

Benjamin Obadiah Iqbal Zephaniah fædd­ist á Handsworth-svæð­inu í Birming­ham en faðir hans var póst­burð­ar­maður frá Barbados og móður hans var jama­ískur hjúkr­un­ar­fræð­ingur. Þegar hann var barn, fékk hann gamla rit­vél í gjöf, sem varð til þess að hann ákvað að verða rit­höf­undur. Ljóð hans voru undir áhrifum frá jama­ískri tón­list og ljóðum og það sem hann kall­aði „götu­stjórn­mál“.

Benjamin gaf út ógrynni af ljóðum í gegnum árin, auk fimm skáld­sagna og sjö leik­rita. Fyrsta ljóða­bók hans heitir Pen Rythm og kom út 1980. Þá gaf hann einnig út ljóða­bæk­urnar The Dread Affair: Collected Poems, Rasta Time in Palestine, Too Black, Too Strong and We Are Britain!, svo ein­hverjar séu nefndar.

Árið 2008 var Benjamín val­inn í hóp 50 bestu eftir stríðs rit­höf­unda af tíma­rit­inu The Times. Ekki var hann ein­ungis áhrifa­mik­ill rit­höf­undur heldur lék hann einnig í sex þátta­röðum hinna geysi­vin­sælu Peaky Blinders þátta á BCC.

Þá gaf þessi fjöl­hæfi lista­maður út tón­list­arplöt­una Rasta árið 1982 en þar spil­aði hljóm­sveit Bob Marley, The Wailers, undir en það var í fyrsta skipti sem hljóm­sveitin fór í upp­tökur eftir dauða Marley. Fyrir störf sín og akti­visma hlaut Benjamin fjöldi verð­launa í gegnum tíð­ina, þar á meðal fjöldi heið­ur­dokt­ors­gráða.