Björn um þá hefð að horfa ekki á Gísla Martein: „Þoli ekki samtöl þar sem fólk æpir hvert á annað“

Björn Birg­is­son skrif­aði hnyttna Facebook-færslu um þá hefð að horfa ekki á Gísla Martein á föstu­dags­kvöldum.

Sam­fé­lags­rýn­ir­inn frá Grinda­vík, Björn Birg­is­son horfir aldrei á Vikuna með Gísla Martein, sem er í sýn­ingu á RÚV á föstu­dags­kvöldum. Og það breyt­ist ekki þó hann og Ingi­björg kona hans búi tíma­bundið ann­ars­staðar vegna ástands­ins í Grinda­vík. Í nýrri færslu skrifar hann um þetta en tekur fram að ekki sé þetta vegna þess hve slæmur sjón­varps­maður Gísli Marteinn er. „Ekki vegna þess að hann sé vondur í sjón­varpi, miklu heldur vegna þess hvernig ég er sem áhorf­andi!“ segir Björn og útskýrir svo orð sín. „Mér finnst gaman – jafn­vel nota­legt – að ræða við fólk á lág­stilltum afslöpp­uðum nótum.Ég þoli ekki sam­töl þar sem fólk æpir hvert á annað – algjör­lega að til­efn­is­lausu. Einmitt þess vegna vil ég ekki horfa á þátt Gísla Marteins.“ En í hús­inu sem þau hjónin dvelja nú í, er ekk­ert sér­her­bergi fyrir Björn að vera í á meðan frúin horfði á Gísla Martein, líkt og á heim­ili þeirra í Grinda­vík. En hann er með ráð undir rifi hverju. „Með nútíma tækni má leysa þetta vanda­mál með góðum heyrn­ar­hlífum – ef ekki þá með fjar­veru.“